ДАР МОСКВА КИТОБҲО ВА ТОҚИҲОИ ТОҶИКӢ БА НАМОИШ ГУЗОШТА ШУДАНД. Дар Китобхонаи давлатии Русия намоишгоҳ бахшида ба мероси фарҳангии кишварҳои Осиёи Марказӣ ва Қафқоз оғоз ёфт

Февраль 18, 2022 13:38

ДУШАНБЕ, 18.02.2022 /АМИТ «Ховар»/. Дар Маркази адабиёти шарқи Китобхонаи давлатии Русия (КДР) 15 феврал намоишгоҳ бахшида ба мероси фарҳангии кишварҳои Осиёи Марказӣ ва Қафқоз – аъзои Иттиҳоди Давлатҳои Мустақил ба кор шурӯъ намуд. Намоишгоҳ то 12 март идома ёфта, дар доираи Соли ҳунарҳои мардумӣ ва мероси фарҳангӣ дар ИДМ ва ҳамчунин бахшида ба Рӯзи байналмилалии забони модарӣ, ки аз ҷониби ЮНЕСКО таъсис гардидааст, баргузор карда мешавад. Дар ин бора ба АМИТ «Ховар» дар Китобхона давлатии Русия хабар доданд.

Намоиш дар ду толор ҷойгир буда, аз ду қисмати асосӣ: маънавӣ ва моддӣ иборат аст. Нигоҳдорандаи мероси маънавии гузаштан аз насл ба насл китоб буда, яке аз нишонаҳои шинохташавандаи фарҳанги моддии ҳар миллат ин тоқӣ ё каллапӯш мебошад.

ТОЛОРИ АВВАЛ — «НАМУНАИ ТАЪРИХ».

Толори якуми намоишгоҳ ба фарҳанги муосири кишварҳои Осиёи Марказӣ ва Қафқоз бахшида шудааст.

Мероси моддию маънавии ҳар кишвар як қисмати симои аёнии онҳо гардидааст. Ин тасвир аслӣ буда, ба таври худ ба ҳар сокини ИДМ шинос аст.

Адабиёти муосир, ки дар Осиёи Марказӣ ва Қафқоз нашр мешавад, ҳамзамон бештар анъанаҳои мардумро ҳифз ва интиқол дода, бо шоҳасарҳои фолклорӣ, адабиёти бадеӣ ва санъати тасвирӣ мубодила мекунад.

Нигораҳои намоишгоҳҳои толори якум- ин китобу албомҳои муосир дар бораи Осиёи Марказӣ ва Қафқоз, инчунин каллапӯшҳои шинохтаи минтақаҳои гуногуни ИДМ-ро ташкил медиҳанд. Бархеҳо тоқиҳоро то ҳол дар ҳаёти рӯзмарра ва идҳо мепӯшанд ва баъзеи дигар онҳоро танҳо бо либосҳои анъанавӣ истифода менамоянд.

ТОЛОРИ ДУВВУМ — «ТАЪРИХИ НАМУНАҲО»

Толори дуюм моро ба сайри гузаштаи маданияти кишварҳои ИДМ равон мекунад. Дар бораи нигораҳои ин толор дар роҳнамоҳо кам навишта шудааст. Ҳар кадоми онҳо- намунаи нодири осорхонавиянд. Илова бар ин, гӯшаҳои алоҳида ба забонҳои нодир ва забонҳои халқҳои хурди кишварҳои муштаракулманофеъ: тоҷикӣ, қароқалпоқӣ, уйғурӣ, курдӣ ва ғайра бахшида шудаанд.

Дар намоиши китоб яке аз аввалин нашрияҳои ба забонҳои кишварҳои Осиёи Марказӣ ва Қафқоз нашршуда пешкаш шудаанд.

Тоқиҳое, ки дар толор пешниҳод шудаанд, воқеан камёфтанд. Меҳмонон аз Русия тоқии қирғизиро аз арақчини озарбойҷонӣ ба осонӣ фарқ карда метавонанд ва мардуми Арманистон дарҳол мефаҳманд, ки тоқии сиёҳу сафеди мураббаъшаклро на дар Қафқоз, балки дар Осиёи Миёна мепӯшанд.

Онҳоро санъатшинос Владислав Евневич, бузургтарин ҷамъоварандаи тоқиҳо ва гулдӯзиҳо дар Русия ва ИДМ пешкаш кардааст, ки маҷмӯаи ӯ беш аз 1000 каллапӯшҳои тамоми Осиёи Марказиро дар бар мегирад.

 

АКС: КДР

Февраль 18, 2022 13:38

Хабарҳои дигари ин бахш

Ҳайати мақомоти зиддикоррупсионии Узбекистон бо таъриху фарҳанги миллати тоҷик шинос шуд
Китоби академик Фарҳод Раҳимӣ доир ба ташаббусҳои Президенти Тоҷикистон, пиряхҳо ва иқлим ба нашр расид
Дар Маркази рушди инноватсионии илм ва технологияҳои нав системаи гармидиҳӣ насб мегардад
Ҷаласаи Кумитаи тадорукоти Синамоҷашнвораи дуюми байналмилалии Душанбе «Тоҷи Сомон» баргузор гардид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 332 донишҷӯ хатм намуд
Банаворгирии филми муштараки Тоҷикистону Узбекистон бо номи «Дурахши ахтарон: Ҷомӣ ва Навоӣ» оғоз ёфт
«ПЕШВО, ҲИЗБ, МИЛЛАТ». Бахшида ба 30-солагии таъсиси ҲХДТ андешаҳои шахсиятҳои шинохтаи дунё ба нашр расид
НИШАСТИ МАТБУОТӢ. Донишҷӯёни Консерваторияи миллӣ дар озмунҳои байналмилалӣ ҷойҳои намоёнро гирифтанд
Дар муассисаҳои илмию таҳқиқотии Академияи миллии илмҳои Тоҷикистон 8 озмоишгоҳи нав ба истифода дода шуд
НИШАСТИ МАТБУОТӢ. Донишкадаи давлатии фарҳанг ва санъати Тоҷикистон ихтисоси «Омӯзгорони томактабӣ» таъсис медиҳад
Дӯстӣ пойдор бошад, комёбиҳо бештар мегарданд. Эҳдо ба Рӯзи байналмилалии дӯстӣ
Китоби «Фурӯғи худшиносии миллӣ» ба нашр расид