МТС барои тарбияи коршиносони ҳирфаӣ бо тамоми марказҳои Тоҷикистон ҳамкорӣ ба роҳ мондааст
ДУШАНБЕ, 11.02.2022 /АМИТ «Ховар»/. Маркази тадқиқотии стратегии назди Президенти Ҷумҳурии Тоҷикистон дар самти тарбияи коршиносони ҳирфаӣ донишҷӯёни зинаи бакалавр ва магистратураи мактабҳои олии Ҷумҳурии Тоҷикистонро ба таҷрибаомӯзӣ фаро гирифтааст. Ин нуктаро 10 феврал директори Маркази тадқиқоти стратегӣ (МТС) Хайриддин Усмонзода зимни нишасти матбуотӣ ба доираи васеи рӯзноманигорон баён намуд.
Ба гуфтаи ӯ, айни замон дар марказ бештар аз 13 нафар магистрони Академияи идоракунии давлатии назди Президенти Ҷумҳурии Тоҷикистон салиқаи таҳлили масъалаҳои иҷтимоию сиёсиро бо сарпарастии кормандони марказ пайдо карда истодаанд ва итминон дорем, ки онҳо чун коршиносони варзидаи соҳа тарбия меёбанд. Дар сурати омӯзиши пурра ва такмили донишҳояшон минбаъд МТС онҳоро барои фаъолият дар ин ниҳод ҷалб менамояд.
Маркази тадқиқоти стратегии назди Президенти Ҷумҳурии Тоҷикистон ҳоло дар самти таҳия ва омодасозии коршиносони ҳирфаии соҳавӣ бо тамоми марказҳои ҷумҳурӣ ҳамкорӣ ба роҳ мондааст.
Иттилоъ дода шуд, ки марказ бо якчанд ниҳоди таҳлилӣ ва пажӯҳишии дигар давлатҳо, аз ҷумла бо марказҳои таҳқиқоти стратегии Русия, Қазоқистон, Чин, Ҳиндустон, Эрон, Узбекистон, Қирғизистон, Озарбойҷон, Туркия, Латвия, Литва, Лаҳистон ҳамкории самарабахш дорад.
Имсол маҷаллаи нави марказ бо номи «Муносибатҳои байналмилалӣ ва амният» бо теъдоди 16 мақола ба нашр мерасад.
АКС: АМИТ «Ховар»
Байни муассисаҳои соҳаи тандурустии Тоҷикистону Қазоқистон се Ёддошти тафоҳум ба имзо расид
Дар шаҳри Левакант муассисаи давлатии таҳсилоти томактабӣ ба истифода дода шуд
ДАР ПАЙРАВӢ БА ИҚДОМИ ПЕШВОИ МИЛЛАТ. Ба 40 нафар ятими кулли шаҳри Ҳисор либоси мактабӣ тақдим гардид
Дар доираи сафари кории Президенти Тоҷикистон дар ноҳияи Хуросон иншооти гуногун ба истифода дода шуданд
Ҳамкории муассисаҳои илмӣ-таҳқиқотии Тоҷикистон ва Туркманистон густариш меёбад
Дар ноҳияи Ёвон иншооти таъйиноти гуногун ба истифода дода шуданд
Дар Душанбе Маркази машваратӣ ва омодагии пеш аз сафари муҳоҷирони меҳнатӣ ба истифода дода шуд
Дар вилояти Хатлон беш аз 400 иншооти дорои аҳамияти давлатӣ бунёд карда шудаанд
Дар Тоҷикистон Рӯзҳои тибби Ҷумҳурии Қазоқистон идома доранд
Дастаи шаҳри Кӯлоб сазовори Ҷоми Ҳизби Халқии Демократии Тоҷикистон оид ба футболи хурд шуд
Дар Тошканд Форуми тиҷоратии фармасевтии Узбекистону Тоҷикистон доир шуд
«ИСТИҚЛОЛИЯТИ ДАВЛАТӢ — САРЧАШМАИ ИФТИХОРИ МИЛЛӢ». Таҳти ин унвон дар Душанбе ҳамоиш доир шуд
