Вакили Маҷлиси намояндагон бо хонандагони Гимназияи №1-и шаҳри Душанбе дарс – вохӯрӣ гузаронид
ДУШАНБЕ, 25.02.2022 /АМИТ «Ховар»/. 24 феврал баҳри беҳтар намудани фаъолияти таълимӣ дар Гимназияи №1, ҳамоҳангсозии фаъолият ҷиҳати тарбияи насли наврас ва бедор намудани шавқи онҳо ба самтҳои афзалиятноки илм ва интихоби дурусти касб дарс – вохӯрии вакили Маҷлиси намояндагони Маҷлиси Олии Ҷумҳурии Тоҷикистон Парвина Меликова бо хонандагони муассиса баргузор гардид. Дар ин бора АМИТ «Ховар» бо истинод ба Сарраёсати маорифи шаҳри Душанбе хабар медиҳад.
Дар вохӯрӣ Парвина Меликова бо хонандагон суҳбати озод намуда, гуфт, ки рӯй овардани насли наврас ба илм, илмомӯзӣ ва бахусус илмҳои табиатшиносӣ, дақиқ, риёзӣ ва омӯзиши амиқи забонҳои хориҷӣ қадами устуворест барои рушди ояндаи кишвар. Ин иқдом имконият медиҳад, ки мутахассисони ҷавони болаёқат дар арсаи ҷаҳонӣ иқтидори рақобатпазирӣ пайдо намоянд. Аз ин рӯ хонандагонро зарур аст, ки ба илмомӯзӣ аҳамияти ҷиддӣ дода, ба пешбарии корҳои илмӣ-таҳқиқотӣ, омӯзишу аз худ кардани технологияи иттилоотиву коммуникатсионӣ ва навовариву ихтироъкорӣ такя намуда, дар оянда мутахассиси соҳибкасб гарданд. Дар шароити имрӯза, ки талабот ба кадрҳои соҳибкасб дар бозори меҳнат зиёд мешавад, хонандагонро зарур аст, ки илмҳои замонавиро аз худ намуда, ба стандартҳои байналмилалӣ баробар гарданд.
Дар идома миёни Парвина Меликова ва хонандагон суҳбати самимӣ доир гардид, ки зимни он хонандагон озодона саволҳои худро пешниҳод намуданд.
Хонандагони муассиса ба масъалаҳои интихоби бошууронаи касб, роҳҳои муваффақ гардидану соҳибихтисос гаштан ва усулҳои аз худ намудани илмҳои муосиру забонҳои хориҷӣ мароқ зоҳир намуданд.
Дар муассисаи мазкур бо мақсади омодагии хонандагон ба фаъолияти мустақилона ва дуруст интихоб намудани касб Маркази рушди касбият таъсис дода шудааст, ки вазифаҳои асосии он маълумоти мушаххас додан оид ба касбу кори гуногун, мусоидат дар интихоби дурусти касб, ташкили семинарҳои омӯзишӣ бо шахсиятҳои муваффақ дар ҷодаи фаъолият ва машварати касбӣ мебошад.
АКС: Сарраёсати маорифи ш. Душанбе
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
