21 март ҳайати шаҳри Клагенфурти Ҷумҳурии Австрия ба Душанбе меояд
ДУШАНБЕ, 19.03.2022. /АМИТ «Ховар»/. 21 март бо мақсади иштирок дар Форуми 3-юми байналмилалии «Наврӯзи Душанбе-меҳвари робитаҳои фарҳангию сайёҳӣ» ба пойтахти Ҷумҳурии Тоҷикистон ҳайати шаҳри Клагенфурти Ҷумҳурии Австрия таҳти роҳбариии муовини раиси шаҳри Клагенфурт Адоис Долинар ташриф меорад. Дар ин бора АМИТ «Ховар» бо истинод ба мақомоти иҷроияи ҳокимияти давлатии шаҳри Душанбе хабар медиҳад.
Бояд зикр кард, ки ташрифи ҳайати меҳмонон аз шаҳри Клагенфурти Ҷумҳурии Австрия бо даъвати Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ сурат мегирад.
Дар ҳошияи сафар 22 марти соли равон дар мақомоти иҷроияи ҳокимияти давлатии шаҳри Душанбе мулоқоти муовини аввали Раиси шаҳри Душанбе Ҷамшед Табарзода бо ҳайати шаҳрдории Клагенфурт таҳти сарварии муовини Раиси шаҳри Клагенфурт Адоис Долинар ба нақша гирифта шудааст.
Дар назар аст, ки зимни музокирот масъалаҳои марбут ба ҳолати кунунӣ ва дурнамои робитаҳои ҳамкории бародаршаҳрҳо — Душанбе ва Клагенфурт дар чаҳорчӯбаи санадҳои мавҷудаи ҳамкорӣ мавриди гуфтугӯ қарор гирад.
Мавриди зикр аст, ки соли ҷорӣ 30 — солагии истиқрори робитаҳои дипломатӣ миёни Ҷумҳурии Тоҷикистон ва Ҷумҳурии Австрия, инчунин 50-солагии барқарор намудани муносибатҳои бародаршаҳрӣ байни шаҳрҳои Душанбе ва Клагенфурт таҷлил мегардад.
Дар назар аст, ки сафари ҳайати шаҳрдории Клагенфурт ба Ҷумҳурии Тоҷикистон то 24 март давом кунад.
АКС: АМИТ «Ховар»/ мақомоти иҷроияи ҳокимияти давлатии шаҳри Душанбе
Барои кормандони сохторҳои пойтахт ба мавзеъҳои сайёҳии Балҷувон ва Ховалинг хатсайр ташкил гардид
Дар Душанбе 35-солагии Истиқлолияти давлатии Тоҷикистон ботантана ҷашн гирифта мешавад
Аз Душанбе 138 нафар ба даври сеюми Озмуни ҷумҳуриявии «Тоҷикистон — Ватани азизи ман» роҳхат гирифт
Ҳамкории шаҳри Душанбе бо шаҳри Чонгчини Чин баррасӣ гардид
Аз водии Рашт то Искандаркӯл: мақомоти шаҳри Душанбе бо ташкили хатсайрҳои сайёҳӣ рушди сайёҳии дохилиро тақвият мебахшад
Дар Душанбе маҷмуи маҳсулоти минтақавӣ ба беш аз 19 миллиард сомонӣ баробар гардид
НИШАСТИ МАТБУОТӢ. Корҳо дар ду марҳилаи лоиҳаи «Харитаи электронии шаҳри Душанбе» пурра ба анҷом расидаанд
Дар Душанбе намоишгоҳи фурӯши либосҳои мактабӣ ва лавозимоти дарсӣ доир мешавад
НИШАСТИ МАТБУОТӢ. Соли 2026 дар ноҳияи Исмоили Сомонӣ 4 корхонаи нави саноатӣ ба фаъолият оғоз кард
НИШАСТИ МАТБУОТӢ. Дар ноҳияи Фирдавсӣ ҳаҷми истеҳсоли маҳсулоти саноатӣ бештар гардидааст
Иҷлосияи шашуми Маҷлиси вакилони халқи шаҳри Душанбе, даъвати ҳафтум баргузор гардид
Иҷлосияи шашуми Маҷлиси вакилони халқи шаҳри Душанбе, даъвати ҳафтум баргузор мешавад
