Ҳайати Тоҷикистон дар Форуми байналмилалии сармоягузории Тошканд иштирок намуд
ДУШАНБЕ, 28.03.2022 /АМИТ «Ховар»/. Ҳайати Ҷумҳурии Тоҷикистон дар Форуми байналмилалии сармоягузории Тошканд, ки 24-26 март дар Узбекистон доир гардид, иштирок намуд. Дар ин бора АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Узбекистон иттилоъ медиҳад.
Форуми байналмилалии сармоягузории Тошканд платформаи нав барои тақвияти ҳамкорӣ миёни кишварҳои Осиёи Марказӣ маҳсуб шуда, дар он иқтидори сармоягузории Узбекистон ба доираҳои сармоягузор ва соҳибкорон муаррифӣ гардид. Дар Форуми байналмилалии сармоягузории Тошканд роҳбарону намояндагони институтҳои бонуфузи байналмилалии молиявӣ, вазоратҳои сармоягузории кишварҳои хориҷӣ, ташкилоти байналмилалӣ ва минтақавӣ, дар маҷмӯъ беш аз 1500 нафар иштирок намуданд.
Иштирокдорони Форуми байналмилалии сармоягузории Тошканд масъалаҳои сармоягузорӣ, густариши ҳамкорӣ бо институтҳои байналмилалии молиявӣ, ислоҳоти иқтисодӣ ва иҷтимоии Ҳукумати Ҷумҳурии Узбекистон, ҳамкории логистикӣ ва интиқоли молу маҳсулот миёни кишварҳо, коркарди хатсайрҳои нави боркашонӣ, содагардонии транзити молҳои содиротшаванда ва дигар масъалаҳоро муҳокима намуданд.
Тоҷикистонро дар Форуми байналмилалии сармоягузории Тошканд Ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода, Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Саъдӣ Қодирзода ва гурӯҳи соҳибкорон намояндагӣ намуданд.
Дар Форум роҳбарону намояндагони беш аз 30 ширкат ва соҳибкорони тоҷик фаъолона иштирок намуда, ҷиҳати ба роҳ мондани ҳамкории иқтисодиву тиҷоратӣ бо доираҳои тиҷоратии Узбекистон ва дигар давлатҳои иштирокчӣ гуфтушунид гузарониданд.
Ҳайати кишварамонро дар Форуми байналмилалии сармоягузории Тошканд Сафири Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода ҳамроҳӣ намуд.
АКСҲО: Сафорати ҶТ дар ҶУ
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Дар Душанбе масъалаи таъминоти сӯзишворӣ дар бозори истеъмолӣ ва танзими нархи он баррасӣ шуд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Лоиҳаи пеш аз асосноккунии техникӣ-иқтисодии сохтмони метро дар шаҳри Душанбе ҷамъбаст гардид
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
