Беш аз 100 ширкату корхонаҳои сайёҳии Тоҷикистон ва Туркия дар Форуми сайёҳӣ дар Истанбул иштирок намуданд
ДУШАНБЕ, 04.03.2022 /АМИТ «Ховар»/. Беш аз 100 ширкату корхонаҳои соҳаҳои сайёҳии Тоҷикистон ва Туркия дар Форуми сайёҳии Тоҷикистону Туркия, ки 3 март дар меҳмонхонаи «CVK Park Bosphorus»-и Истанбул доир гардид, иштирок намуданд. Форуми сайёҳии Тоҷикистон ва Туркия бо ибтикори Сафорати Ҷумҳурии Тоҷикистон дар Туркия дар ҳамкорӣ бо Вазорати фарҳанг ва сайёҳии Туркия ва Кумитаи рушди сайёҳии назди Ҳукумати Ҷумҳурии Тоҷикистон гузаронида шуда, ҳадафаш тақвияти ҳамкории ду кишвар дар бахши сайёҳӣ мебошад.
Дар Кумитаи рушди сайёҳии назди Ҳукумати Ҷумҳурии Тоҷикистон ба АМИТ «Ховар» иттилоъ доданд, ки дар қисмати расмии форум муовини Вазири фарҳанг ва сайёҳии Туркия Надир Алпаслан, муовини Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод, Сафири Ҷумҳурии Тоҷикистон дар Туркия Ашрафҷон Гулов ва Сафири Ҷумҳурии Туркия дар Тоҷикистон Эмре Зеки Карагёл сухан намуда, баргузории форуми сайёҳиро қадами муассир дар таҳкими ҳамкории Тоҷикистон ва Туркия дар бахши сайёҳӣ арзёбӣ намуданд.
Дар Форуми сайёҳӣ коршиносону масъулини соҳаи туризми Тоҷикистон ва Туркия бо пешниҳоди рӯнамо ва наворҳои ҷолиб вобаста ба табиати нодир ва дигар имконияти сайёҳии ҳарду давлат ибрози назар намуданд.
Дар ҳошияи Форуми сайёҳӣ 12 ширкати тоҷикию туркӣ «Намоишгоҳи мавод ва маҳсулоти ширкатҳои сайёҳии Тоҷикистону Туркия»-ро ташкил намуданд.
Инчунин дар доираи Форуми сайёҳӣ вохӯрии дуҷонибаи соҳибкорони Тоҷикистон ва Туркия дар сиғаи «B2B» ва бо мақомоти марбутаи ҷонибҳо дар сиғаи «B2G» ташкил гардида, ширкатҳо имкон пайдо намуданд, ки санадҳои ҳамкорӣ ба имзо раcонанд.
Дар анҷоми Форуми сайёҳӣ ба иштирокчиён зиёфат бо пахши наворҳои муаррифи табиату фарҳанг ва имконияти сайёҳии Тоҷикистон ва Туркия ташкил карда шуд.
АКСҲО: Кумитаи рушди сайёҳии назди Ҳукумати ҶТ
Байни Тоҷикистон ва Қазоқистон Харитаи роҳ оид ба тақвияти минбаъдаи ҳамкорӣ дар соҳаи кишоварзӣ ба имзо расид
Дар Мамнуъгоҳи давлатии «Зоркӯл» камераҳои аксбардории худкор насб карда шуданд
Дар ноҳияи Данғара татбиқи технологияҳои инноватсионии парвариши зироат дар заминҳои лалмӣ баррасӣ гардид
Дар Душанбе картошкаи калонтарин ба намоиш-фурӯш гузошта шуд
Байни Тоҷикистон ва Қазоқистон Созишномаи қолабӣ оид ба ҳамкорӣ дар самти таҳвили маҳсулоти нафтӣ ба имзо расид
Ҳайати Тоҷикистон дар Конфронси ваколатдори Иттиҳоди байналмилалии телекоммуникатсия иштирок дорад
Дар Душанбе форум ва конфронси байналмилалии зиддикоррупсионӣ доир мегарданд
Ҳаҷми умумии қарзҳои додашуда дар Тоҷикистон 25,5 фоиз зиёд гардидааст
Ширкатҳои Тоҷикистон ҳамкориро бо соҳибкорони Ҷопон таҳким мебахшанд
Байни Тоҷикистон ва Қазоқистон Созишнома дар бораи ҳамкории иттилоотӣ дар соҳаи таъминоти нафақа ба имзо расид
Вазири энергетика ва захираҳои оби Тоҷикистон бо лоиҳаҳои рақамикунонии ширкати «KEGOC»-и Қазоқистон шинос шуд
Байни Тоҷикистон ва Қазоқистон дар самти муқовимат ба коррупсия Ёддошти тафоҳум оид ба ҳамкорӣ ба имзо расонида шуд
