ЧЕМПИОНАТИ ОСИЁ ОИД БА ВЕЛОСИПЕДРОНӢ. Варзишгарони тоҷик 6 медал ба даст оварданд

ДУШАНБЕ, 31.03.2022 /АМИТ «Ховар»/. 30 март бо баргузории сабқатҳо миёни устодон ва ҳаваскорон Чемпионати Осиё оид ба велосипедронӣ дар шоҳроҳ, ки 25 март дар шаҳри Душанбе оғоз гардида буд, ҷамъбаст шуд. Дар рӯзи охирини ин чемпионат велосипедронони  тоҷик соҳиби 6 медал ( 2 тилло, 2 нуқра, 2 биринҷӣ) гардиданд. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад. 

Дар рӯзи охири мусобиқа устодони варзиши велосипедронӣ дар масофаи 61км ва ҳаваскорон дар масофаи 111км сабқат карданд.

Мусобиқа миёни устодони варзиши велосипедронӣ аз рӯи 5 синну сол баргузор гардида, намояндагони Узбекистон, Аморати Муттаҳидаи Араб ва Тоҷикистон ғолиб шуданд. Дар мусобиқаи даставии устодон дастаи Ироқ пирӯз гардид.

Чемпионати Осиё оид ба велосипедронӣ дар шоҳроҳ

Натиҷаҳои рӯзи шашум

Мусобиқаи инфиродии умумӣ, устодони варзиши велосипедронӣ, 111 км

19-34-солаҳо

1. Беҳзодбек Раҳимбоев (Узбекистон)
2. Маҳдӣ Албаттаҳ (Ироқ)
3. Аҳмад Алрикобӣ (Ироқ)

35-39-солаҳо

1. Халид Алӣ Алблушӣ (АМА)
2. Алӣ Ҷавод (Покистон)
3. Беҳзод Ҳакимов (Тоҷикистон)

40-44-солаҳо

1. Вадим Ежаков (Қазоқистон)
2. Ромин Худоиев (Тоҷикистон)

45-49-солаҳо

1. Александр Игонин (Тоҷикистон)
2. Баҳриддин Исомиддинов (Тоҷикистон)

50-99-солаҳо

1. Ринат Батиршин (Тоҷикистон)
2. Ҷаргал Гавааҷав (Муғулистон)
3. Павел Салимов (Тоҷикистон)

Даставӣ, устодон

1. Ироқ
2. Покистон
3. Тоҷикистон

АКСҲО: КМО Тоҷикистон