ТОҶИКИСТОН БА COVID-19 МАСУНИЯТИ ДАСТҶАМЪОНА ПАЙДО КАРД. Дар ин бора арқоме, ки Вазорати тандурустӣ ва ҳифзи иҷтимоии аҳолии мамлакат ба АМИТ «Ховар» пешниҳод намуд, гувоҳӣ медиҳанд
ДУШАНБЕ, 31.03.2022 /АМИТ «Ховар»/. Дар Тоҷикистон масунияти дастҷамъона бар зидди коронавирус пурра ташаккул ёфт. Дар ин бора арқоме, ки Вазорати тандурустӣ ва ҳифзи иҷтимоии аҳолии мамлакат ба АМИТ «Ховар» пешниҳод намуд, гувоҳи медиҳанд.
Тибқи маълумоти вазорат, то 27 марти соли равон 5 миллиону 162 ҳазору 424 нафар бар зидди коронавирус эм гирифтаанд, ки ин 92,2 фоизи аҳолии аз 18-сола болои кишварро ташкил медиҳад. Ҳамчунин 4 миллиону 900 ҳазору 199 нафар (87,5%) вояи дуюми ваксинаро гирифта, то санаи зикргардида 1 миллиону 89 ҳазору 922 нафар (19,5 фоиз) вояи сеюм гирифтаанд.
Бори охир 17 феврали соли равон дар кишвар се ҳолати нави сирояти коронавирус ба қайд гирифта шуда буд. Дар маҷмӯъ, аз оғози бақайдгирии COVID-19 дар Тоҷикистон 17 388 нафар сироят шуда, 17 249 нафар (99,2%) аз ин беморӣ шифо ёфтанд ва 124 нафар шаҳрвандони кишвар фавтидаанд.
Ҳанс Клюге, Роҳбари минтақаи аврупоии Созмони ҷаҳонии тандурустӣ (СҶТ), ки ба он Тоҷикистон низ шомил аст, чанде пеш изҳор дошт, ки ҳангоми эм гирифтани 80 фоизи аҳолӣ бар зидди COVID-19 масунияти дастҷамъӣ пайдо мешавад. Ӯ дар ин бора, аз ҷумла дар суҳбат бо мухбири рӯзномаи «Handelsblatt» тазаккур дод.
Ҳамин тариқ, метавон бо итминон гуфт, ки дар Тоҷикистон масунияти оммавӣ ба COVID-19 ташаккул ёфтааст.
Хабарнигори АМИТ «Ховар» аз профессори кафедраи микробиология, иммунология ва вирусологияи Донишгоҳи давлатии тиббии Тоҷикистон ба номи Абуалӣ ибни Сино Саидбек Сатторов пурсон шуд, ки ин чӣ маъно дорад.
«Масунияти оммавӣ маънои онро дорад, ки подтане, ки тавассути эмгузаронӣ пайдо шудааст, дар шумораи зиёди одамон мавҷуд аст ва вирус аз бемор ба шахси дигар намегузарад», — гуфт ӯ.
Ба ибораи дигар, вақте қисми зиёди аҳолӣ подтан пайдо мекунад, паҳншавии сироят суст ё умуман қатъ мешавад.
Тавре қаблан АМИТ «Ховар» хабар дод, бо қарори Cитоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти нави COVID-19 аз 7 марти соли 2022 дар Тоҷикистон якчанд маҳдудият, аз ҷумла пӯшидани ҳатмии ниқобҳои тиббӣ бекор карда шуд. Дар ҳамин ҳол, ба вазорату идораҳои дахлдор супориш дода шуд, ки «корҳоро оид ба чораҳои пешгирикунанда ва зиддиэпидемиявӣ идома диҳанд». Чун, пандемияи коронавирус ҳанӯз ба охир нарасидааст ва риояи қоидаҳои санитарӣ идома хоҳад ёфт.
АКС аз манбаъҳои боз
ТАҒЙИРЁБИИ ИҚЛИМ. Гармшавии бесобиқаи ҳаво, афзудани таркиби озони атмосфера ва ба амал омадани офатҳои гуногуни табиӣ аз нишонаҳои он аст
ЭЪТИРОФИ СИЁСАТИ ОЯНДАБИНИИ ПЕШВОИ МИЛЛАТ АЗ ҶОНИБИ ҶОМЕАИ ҶАҲОНӢ. Мулоҳизаҳои ходими адабии АМИТ «Ховар» дар ин хусус
Антониу Гутерриш: «Тоҷикистон дар самти пешгирии обшавии босуръати пиряхҳо шарики қавӣ ва боэътимоди Созмони Милали Муттаҳид аст»
Эмомалӣ Раҳмон: «Чин бузургтарин сармоягузори мо ба ҳисоб меравад»
Муносибатҳои Чин ва Тоҷикистон: Ба хотири ояндаи дурахшон
Эмомалӣ Раҳмон: «Ваҳдати миллӣ дар баробари Истиқлоли давлатӣ як рукни муҳимми давлатдорӣ ва шарти аслии пешрафту шукуфоии Тоҷикистон мебошад»
Президенти Тоҷикистон: «Сулҳи тоҷиконро ҳамчун нодиртарин роҳи хотима гузоштан ба мухолифатҳои мусаллаҳона эътироф кардаанд»
Пешвои миллат: «Хишти аввали бинои сулҳу ваҳдати миллӣ дар Иҷлосияи XVI Шурои Олӣ гузошта шуда буд»
Эмомалӣ Раҳмон: «Созишномаи сулҳ ва ваҳдати миллӣ барои халқи Тоҷикистон пайки шодӣ, паёми оромӣ ва номаи иқболу саодат гардид»
«МАН БА МАРДУМИ ТОҶИК ҲАВАС МЕБАРАМ, КИ ДАР ЧУНИН ТАБИАТИ ЗЕБО УМР БА САР МЕБАРАНД…». Таассуроти меҳмонон ва иштирокдорони Конфронси сеюми оби Душанбе аз тамошои манзараҳои Тоҷикистон
ИҚДОМҲОИ ПРЕЗИДЕНТИ ТОҶИКИСТОН ҶОМЕАИ ҶАҲОНРО БА ҲАМ ОВАРД! Таассуроти меҳмонон ва иштирокдорони Конфронси сеюми оби Душанбе аз тамошои дараи Ромит
