ВАО ва муаммоҳои экологӣ. Баррасии мавзӯъ дар барномаи таҳлилии «Сарват»-и Радиои «Ховар»
ДУШАНБЕ, 11.03.2022. /АМИТ «Ховар»/. Асри ХХI бо тамоми таҳаввулоташ барои ҷомеаи ҷаҳон мушкилоте эҷод намудааст, ки роҳи ҳалли онҳо дар сатҳи глобалӣ баррасӣ мегардад. Норасоии оби тозаи ошомиданӣ, тағйирёбии иқлим ва обшавии пиряхҳо имрӯз сабаби нигаронии тамоми кишварҳо ва созмонҳои ҷаҳонӣ гардидааст. Дар чунин шароит нақши Воситаҳои ахбори омма (ВАО) дар баррасии муаммоҳои экологӣ муҳим ва саривақтӣ мебошад.
Матбуот яке аз воситаҳои асосии тарғиби масоили экологӣ буда, нақши он дар баррасии муаммоҳои экологӣ муҳим аст. Дар замони соҳибистиқлолии Тоҷикистон зиёд шудани шумораи нашрияҳову воситаҳои электронии ахбор назаррас буда, шаҳодати он аст, ки нақши журналистика чун институти иҷтимоӣ дар ҷомеа баланд гардидааст. Инсоният имрӯз шоҳиди ба вуҷуд омадани зуҳуроти зиёди табиию иҷтимоӣ, аз қабили тағйирёбии иқлим, ифлосшавии обу ҳаво, мушкилоти демографӣ ва дигар масоили марбут ба муҳити зист гаштааст.
Ҳамин аст, ки масъалаи муносибат бо табиат ва муҳити зист, баланд бардоштани маърифати экологии аҳолӣ дар сатҳи байналмилалӣ мавриди таваҷҷуҳи ҷомеаи ҷаҳонӣ қарор гирифтааст. Ба андешаи муҳаққиқони соҳа, дар ояндаи наздик талаботи хонанда ва шунавандаю бинанда ба асарҳои таҳқиқӣ, ҳалли проблемаҳои глобалии зиндагӣ ва ҳифзи муҳити зист зиёд мегардад. Нақши ВАО дар тарғиби сиёсати экологии мамлакат бузург буда, ба воситаи он таваҷҷуҳи ҷомеаи ҷаҳон ба ҳалли масоили экологӣ бештар ҷалб мешавад.
Тафсилоти бештари мавзӯъ вобаста ба нақши ВАО дар баррасии муаммоҳои экологӣ имрӯз соатҳои 09:30, 14:30 ва 20:30 дар барномаи таҳлилии “Сарват”–и радиои “Ховар” бо иштироки коршиноси соҳа, номзади илми филология, устоди кафедраи журналистикаи байналхалқии Донишгоҳи миллии Тоҷикистон Ҷамолиддин Ёқубов дар таҳияи муҳаррири барнома Манижа Баҳромзода пешниҳоди шунавандагон мегардад.
АКС: АМИТ «Ховар»
1045-СОЛАГИИ ФАРЗАНДИ НОМВАРИ ТОҶИК, ДОНИШМАНД, ФАЙЛАСУФ ВА ТАБИБИ МАШҲУРИ ОЛАМ АБӮАЛӢ ИБНИ СИНО. Ба ин муносибат дар Тоҷикистон симпозиуми байналмилалӣ доир мешавад
Имрӯз дар Душанбе намоиш-фурӯши китоб баргузор мегардад
Моҳи март дар Душанбе Фестивали «Сад ранги чакан» ва намоиш-фурӯши маҳсулоти нақшдӯзиву зардӯзии чаканӣ баргузор мешаванд
Ҳунармандони Театри давлатии академии калони Узбекистон ба номи Алишер Навоӣ ба Тоҷикистон меоянд
«САД РАНГИ ЧАКАН». Дар Исфара даври шаҳрии фестивали ҷумҳуриявӣ баргузор шуд
Дар муассисаҳои илмии Академияи миллии илмҳои Тоҷикистон 20 озмоишгоҳи замонавӣ ба истифода дода шуд
Донишҷӯёни тоҷики Донишкадаи умумирусиягии кинематографияи шаҳри Москва бо хобгоҳ ва стипендия таъмин карда мешаванд
НИШАСТИ МАТБУОТӢ. Донишкадаи давлатии санъати тасвирӣ ва дизайни Тоҷикистон бо 19 муассисаи таҳсилоти олии хориҷӣ ҳамкорӣ дорад
НИШАСТИ МАТБУОТӢ. Донишҷӯёни Консерваторияи миллӣ дар Озмуни ҷумҳуриявии «Тоҷикистон — Ватани азизи ман» соҳиби Шоҳҷоиза ва ҷойҳои намоён гардиданд
Агентиҳои иттилоотии Тоҷикистон ва Чин ба марҳалаи нави ҳамкорӣ ворид мешаванд
Таҳкими ҳамкорӣ дар самти дастгирии иттилоотӣ ва тарғиби сиёсати дӯстонаи Тоҷикистон ва Чин баррасӣ шуд
Ба бузургдошти мутафаккири барҷастаи тоҷик Абӯалӣ ибни Сино симпозиуми байналмилалӣ доир мешавад
