БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Дар Хатлон бунёди беш аз 6 ҳазор бинову иншоот ба нақша гирифта шудааст

ДУШАНБЕ, 17.04.2022 /АМИТ «Ховар»/. Ба истиқболи 35- солагии Истиқлоли давлатии Ҷумҳурии Тоҷикистон дар шаҳру ноҳияҳои вилояти Хатлон  бунёди беш аз 6 ҳазор бинову иншоот ба нақша гирифта шуда, кор дар ин самт бомаром идома дорад. Дар ин бора зимни баргузории ҷаласа бо иштироки Раиси вилоти Хатлон зикр гардид.

Тавре аз шуъбаи иттилоот ва таҳлилии дастгоҳи раиси вилояти Хатлон ба АМИТ «Ховар» иттилоъ доданд, ба ҳолати 1 апрел 140 адад бинову иншоот мавриди баҳрабардорӣ   қарор  гирифтанд. Дар се моҳи аввали соли равон дар 12 мактаб 78 синфхона барои 1950 ҷойи хониш, 11 адад муассисаи амбулаторӣ барои қабули 110 бемор дар як баст, инчунин 108 адад марказҳои савдо, хизматрасонӣ ва дигар иншоот ба истифода дода шуданд.

Бояд гуфт, ки давоми 3 соли омодагӣ ба ҷашни 30-солагии Истиқлоли давлатӣ дар вилояти Хатлон зиёда аз 8300 иншоот ба истифода дода шуда, 40 ҳазор ҷойи нави корӣ таъсис ёфтанд.

Раиси вилоят доир ба зарурати вусъат додани корҳои ободонию созандагӣ, бунёди муассисаҳои томактабӣ ва таъмини шароит барои фарогирии кӯдакони синни томактабӣ, рушди соҳаи кишоварзӣ ва истифодаи самарабахши замин ба масъулини шаҳру ноҳияҳои вилоят дастуру супоришҳо дод.

АКС аз манбаъҳои боз