Дар қароргоҳи СММ «Стратегияи Ҷумҳурии Тоҷикистон оид ба муқовимат ба терроризм ва экстремизм барои солҳои 2021-2025» баррасӣ гардид

Апрель 23, 2022 11:41

ДУШАНБЕ, 23.04.2022 /АМИТ «Ховар»/. 22 апрел дар қароргоҳи СММ дар ҳамкорӣ бо Дафтари зиддитеррористии СММ (UNOCT) ва Иттиҳоди Аврупо бори нахуст брифинги сатҳи баланд роҷеъ ба муаррифии «Стратегияи Ҷумҳурии Тоҷикистон оид ба муқовимат ба терроризм ва экстремизм барои солҳои 2021-2025» ва нақшаи амали он баргузор гардид. Дар ин бора АМИТ «Ховар» бо истинод ба Намояндагии доимии Тоҷикистон дар СММ хабар медиҳад.

Дар чорабинӣ ҳайатҳои кишварҳои узв ва коршиносони ниҳодҳои СММ оид ба пешгирӣ ва муқовимат бо ифротгароии хушунатомез ва терроризм, инчунин намояндагони созмонҳои гуногуни байналмилалӣ, минтақавӣ ва тахассусӣ иштирок намуданд.

Ҳадафи чорабинии мазкур инъикоси пешрафт ва талошҳои кишвар дар самти муқовимат бо терроризм ва ифротгароӣ тибқи стратегияҳои қабулшуда ва нақшаҳои амалӣ буд.

Дар қисми ифтитоҳӣ муовини Дабири кул, Роҳбари Дафтари зиддитеррористии СММ Владимир Воронков, Намояндаи доимии Тоҷикистон дар СММ Ҷонибек Ҳикмат, роҳбари Намояндагии Иттиҳоди Аврупо дар СММ Олаф Скуг, роҳбари бахши ҳуқуқӣ ва мубориза бо терроризми Намояндагии доимии Шоҳигарии Арабистони Саудӣ дар СММ Нидаа Абу Алӣ, Ҳамоҳангсози кишварии СММ дар Тоҷикистон Сезин Синаноғлу ва намояндаи Маркази минтақавии СММ оид ба дипломатияи боздоранда барои Осиёи Марказӣ (UNRCCA) Армандс Пуполс суханронӣ намуданд.

Сипас, Прокурори генералии Ҷумҳурии Тоҷикистон Юсуф Раҳмон рӯнамои «Стратегияи Ҷумҳурии Тоҷикистон оид ба муқовимат ба терроризм ва экстремизм барои солҳои 2021-2025»-ро ба ҳозирин манзур намуд. Дар рӯнамои Стратегия вобаста ба тамоюлҳо ва дурнамои ҳамкории минтақавӣ ва байналмилалии кишвар дар соҳаи мубориза бо терроризм маълумоти муфассал пешниҳод гардида, мусоидати кишварҳои узв ва ниҳодҳои СММ ба Тоҷикистон дар татбиқи Стратегия муҳим дониста шуд.

Дар рӯнамои Стратегия вобаста ба тамоюлҳо ва дурнамои ҳамкории минтақавӣ ва байналмилалии кишвар дар соҳаи мубориза бо терроризм маълумоти муфассал пешниҳод гардида, мусоидати кишварҳои узв ва ниҳодҳои СММ ба Тоҷикистон дар татбиқи Стратегия муҳим дониста шуд.

Гузашта аз ин, дар рӯнамо оид ба талошу иқдомҳои кишвар дар самти пешгирӣ ва мубориза бо таҳдиду чолишҳои амниятӣ маълумот пешниҳод гардид.

Қобили зикр аст, ки намояндаҳои Узбекистон, Созмони амният ва ҳамкорӣ дар Аврупо ва Чин, Уммон, Австралия, Тунис, Муғулистон, Парагвай, Латвия, Туркия, Сингапур, Арманистон, Баҳрайн, Эрон ва Марокко саҳм ва ташаббусҳои Ҳукумати Ҷумҳурии Тоҷикистонро дар самти мубориза бо терроризм ва ифротгароӣ дар арсаи байналмилалӣ муҳим ва назаррас арзёбӣ намуданд.

АКС: Намояндагии доимии Тоҷикистон дар СММ

Апрель 23, 2022 11:41

Хабарҳои дигари ин бахш

Дар Душанбе масъалаи муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом баррасӣ гардид
Дар Хоруғ гурӯҳи кории корманд-занони мақомоти ҳифзи ҳуқуқ ва сохторҳои таъмини амният дар Бадахшон қадрдонӣ шуд
Дар Хатлон марҳилаи якуми амалиёти «Нелегал-2022» идома дорад
Ҷаласаи навбатии Шӯрои вазирони адлияи давлатҳои иштирокчии ИДМ дар Тоҷикистон доир мешавад
Музаффар Ашуриён бо Вазири адлияи Русия Константин Чуйченко мулоқот намуд
АМАЛИЁТИ «КОРД». Дар Душанбе фурӯшандагони силоҳи сард дастгир гардиданд
Бо мақсади баланд бардоштани маърифати ҳуқуқии афсарон ҳамоиши методӣ-таълимӣ баргузор гардид
ДАР АФҒОНИСТОН БОЗ МУСИБАТ. Бар асари заминларза беш аз ҳазор нафар ба ҳалокат расиданд, СММ аз ҷомеаи ҷаҳонӣ даъват кард, ки дар робита ба фоҷеа ба ин кишвар кумак намоянд
Қонуни Ҷумҳурии Тоҷикистон «Дар бораи истеҳсолоти иҷро» дар таҳрири нав таҳия гардид
ДАР АФҒОНИСТОН ЗАМИНЛАРЗАИ ШАДИД РУХ ДОД. 280 нафар ба ҳалокат расида, беш аз 600 кас ҷароҳат бардоштанд
КОРВОНИ ЗИДДИМУХАДДИРОТӢ — 2022. Таҳти ин унвон дар як қатор шаҳрҳои Тоҷикистон чорабиниҳои фарҳангӣ-фароғатӣ ва варзишӣ гузаронида мешаванд
Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид