Дар ноҳияи Дӯстӣ дар доираи Global Money Week-2022 сатҳи маърифати молиявии ҷавонон баланд бардошта шуд
ДУШАНБЕ, 26.04.2022 /АМИТ «Ховар»/. Дар доираи баргузории Ҳафтаи байналмилалии молиявӣ /Global Money Week -2022/ бо иқдоми Бонки давлатии амонатгузории Ҷумҳурии Тоҷикистон «Амонатбонк» дар ноҳияи Дӯстии вилояти Хатлон бо иштироки ҷавонон ва муштариён ҳамоиш доир гардид, ки дар он кормандони сохторҳои дастгоҳи марказии бонк дар мавзӯъҳои мухталифи соҳаи бонкдорӣ ба иштирокдорон маълумоти муфид пешниҳод намуданд.
АМИТ «Ховар» бо истинод ба Бонки давлатии амонатгузории Ҷумҳурии Тоҷикистон иттилоъ медиҳад, ки ҳадафи ҳамоиш баланд бардоштани сатҳи маърифати молиявии ҷавонон ва дар маҷмӯъ муштариёни «Амонатбонк» буд. Хусусан ба иштирокдорон доир ба нақши пул ва қоидаҳои идоракунии он, банақшагирии молиявӣ ва буҷети оила, нақши бонкҳо дар рушди иқтисодиёт, хизматрасониҳо тавассути замимабарномаи «Амонат-мобайл», пасандозҳои муҳлатнок ва пардохтҳои ҳатмӣ, маҳсулоти қарзии «Амонатбонк» ва хизматрасонӣ тавассути кортҳои пардохтӣ маълумоти муфассал ироа гардид.
Баргузории чунин ҳамоишҳо дар доираи чорабиниҳо барои баланд бардоштани сатҳи донишҳои ҷавонон оид ба хизматрасониҳои бонкӣ ва таблиғу ташвиқи дастовардҳои соҳаи бонкдорӣ заминаи мусоид мегузорад.
Мавриди зикр аст, ки ҳамасола аз ҷониби ширкати байналмилалии «Global Money Week» бо иқдоми «Child and Youth Finance International» дар тамоми дунё Ҳафтаи байналмилалии молиявӣ барои кӯдакон ва ҷавонон бо мақсади васеъ кардани имконияти онҳо, ҳифзи ҳуқуқи истеъмолкунандагони хизматрасониҳои бонкӣ ва баланд бароштани сатҳи маърифати молиявии кӯдакону ҷавонон гузаронида мешавад.
АКС: Бонки давлатии амонатгузории Ҷумҳурии Тоҷикистон «Амонатбонк»
Тоҷикистон ва Бонки аврупоии таҷдид ва рушд созишномаҳоро ба маблағи беш аз 8 миллион евро ба имзо расониданд
Ширкати «Moody’s Investors Service» рейтинги қарзии соҳибихтиёрии Тоҷикистонро баланд бардошт
Тоҷикистон ба ҳамкорӣ бо Бонки аврупоии таҷдид ва рушд баҳои баланд медиҳад
ҚУРБИ АСЪОР: дар Тоҷикистон 1 доллари ИМА аз 10.6409 то 10.6700 сомонӣ муқаррар шудааст
Дар Душанбе Фестивали «Саводнокии молиявӣ» баргузор гардид
ҚУРБИ АСЪОР: дар Тоҷикистон 1 рубли русӣ аз 0. 1145 то 0.1140 сомонӣ муқаррар шудааст
Байни ассотсиатсияҳои бонкҳои Тоҷикистон ва Русия Ёддошти ҳусни тафоҳум ба имзо расид
ҲИСОББАРОБАРКУНИИ ҒАЙРИНАҚДӢ. Оид ба муҳимияти он ва фаъолияти волонтёрон машварат доир шуд
ҚУРБИ АСЪОР: дар Тоҷикистон 1 доллари ИМА аз 10.6475 то 10.6700 сомонӣ муқаррар шудааст
Дар Душанбе татбиқи Барномаи фишанги ҳамоҳангсозии сиёсат баррасӣ шуд
ҚУРБИ АСЪОР: дар Тоҷикистон 1 рубли русӣ аз 0.1140 то 0.1143 сомонӣ муқаррар шудааст
