Давоми 20 рӯз дар Тоҷикистон маъракаи даъвати ҳарбӣ ба қадри 50 фоиз таъмин шуд
ДУШАНБЕ, 21.04.2022. /АМИТ «Ховар»/. Аз оғози даъвати баҳории соли 2022 то ба имрӯз 20 рӯз сипарӣ гардид ва ин маъракаи муҳими сиёсӣ дар тамоми шаҳру навоҳии мамлакат муташаккилона идома дорад. Дар ин муддат иҷрои нақша дар қаламрави ҷумҳурӣ 50 фоизро ташкил медиҳад. Дар ин бора имрӯз ба АМИТ «Ховар» дар маркази матбуоти Вазорати мудофиаи Ҷумҳурии Тоҷикистон хабар доданд.
Тавре иттилоъ дода шуд, давоми чор соли охир аст, ки миёни вилоятҳо ва шаҳру ноҳияҳо Вилояти Мухтори Кӯҳистони Бадахшон дар нахустин рӯзи даъвати шаҳрвандон иҷрои нақшаро дар қаламрави вилоят 100 фоиз иҷро менамояд.
Ҳамзамон миёни шаҳру навоҳии мамлакат пас аз ВМКБ чаҳор ноҳияи шаҳри Душанбе давоми 20 рӯзи ҷараёни ин маъракаи муҳим дар ҷадвал нисбат ба дигар минтақаҳои ҷумҳурӣ пешсаф буда, масъулини комиссияҳои давлатии даъвати баҳорӣ дар пойтахти кишвар иҷрои уҳдадории пешбинишударо то ин дам ба зиёда аз 60 фоиз баробар намудаанд.
Иҷрои нақша дар комиссариатҳои ҳарбии шаҳру ноҳияҳои тобеи ҷумҳурӣ қариб 60 фоиз, вилояти Хатлон зиёда аз 50 фоиз ва дар вилояти Суғд давоми 20 рӯзи сипаригардида қариб 40 фоизро ташкил медиҳад.
Ёдовар мешавем, ки аз якуми апрели соли равон дар тамоми шаҳру навоҳии ҷумҳурӣ даъвати баҳории шаҳрвандон ба хизмати ҳатмии ҳарбӣ оғоз гардида, бо маром идома дорад.
Аз маҷмӯи умумии 25 шаҳру навоҳии вилояти Хатлон то ин дам ноҳияҳои Шамсиддини Шоҳин, Носири Хусрав ва Фархор нақшаи даъватро ба итмом расонида, аз ноҳияҳои шаҳру ноҳияҳои тобеи ҷумҳурӣ ноҳияҳои Лахш, Нуробод, Рашт, Сангвор ва Тоҷикобод низ аз иҷрои пурраи нақша гузориш доданд.
АКС: АМИТ «Ховар»
Дар Душанбе масъалаи муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом баррасӣ гардид
Дар Хоруғ гурӯҳи кории корманд-занони мақомоти ҳифзи ҳуқуқ ва сохторҳои таъмини амният дар Бадахшон қадрдонӣ шуд
Дар Хатлон марҳилаи якуми амалиёти «Нелегал-2022» идома дорад
Ҷаласаи навбатии Шӯрои вазирони адлияи давлатҳои иштирокчии ИДМ дар Тоҷикистон доир мешавад
Музаффар Ашуриён бо Вазири адлияи Русия Константин Чуйченко мулоқот намуд
АМАЛИЁТИ «КОРД». Дар Душанбе фурӯшандагони силоҳи сард дастгир гардиданд
Бо мақсади баланд бардоштани маърифати ҳуқуқии афсарон ҳамоиши методӣ-таълимӣ баргузор гардид
ДАР АФҒОНИСТОН БОЗ МУСИБАТ. Бар асари заминларза беш аз ҳазор нафар ба ҳалокат расиданд, СММ аз ҷомеаи ҷаҳонӣ даъват кард, ки дар робита ба фоҷеа ба ин кишвар кумак намоянд
Қонуни Ҷумҳурии Тоҷикистон «Дар бораи истеҳсолоти иҷро» дар таҳрири нав таҳия гардид
ДАР АФҒОНИСТОН ЗАМИНЛАРЗАИ ШАДИД РУХ ДОД. 280 нафар ба ҳалокат расида, беш аз 600 кас ҷароҳат бардоштанд
КОРВОНИ ЗИДДИМУХАДДИРОТӢ — 2022. Таҳти ин унвон дар як қатор шаҳрҳои Тоҷикистон чорабиниҳои фарҳангӣ-фароғатӣ ва варзишӣ гузаронида мешаванд
Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид
