Имрӯз дар Чимкент ҷаласаи Кумитаи зиддиҳавоии мудофиавии кишварҳои узви ИДМ баргузор мегардад
ДУШАНБЕ, 12.04.2022 /АМИТ «Ховар»/. Ҷаласаи Кумитаи ҳамоҳангсоз оид ба масъалаҳои зиддиҳавоии мудофиа (ЗҲМ) дар назди Шӯрои вазирони мудофиаи кишварҳои узви ИДМ 12 апрел дар Чимкент дар ҷануби Қазоқистон доир мегардад. Дар ин бора рӯзи душанбе хадамоти матбуоти Вазорати мудофиаи кишвар хабар дод, иттилоъ медиҳад АМИТ «Ховар» бо истинод ба ТАСС.
Дар кори кумита ҳайатҳои вазоратҳои мудофиаи Русия, Арманистон, Беларус, Қазоқистон, Қирғизистон, Тоҷикистон ва Узбекистон, ҳамчунин намояндагони Кумитаи иҷроияи ИДМ, намояндагони комплекси ҳарбӣ-саноатӣ ва ташкилот дар соҳаи тадқиқот ва тайёр кардани кадрҳои ҳарбӣ иштирок мекунанд.
«Тибқи рӯзномаи ҷаласа масъалаҳои такмили низоми ягонаи дифои зиддиҳавоӣ ва таҳкими ҳамкории бисёрҷонибаи низомӣ баррасӣ мешаванд», — омадааст дар хабар. Бино ба иттилои вазорат, дар ҷаласа натиҷаҳои фаъолияти Кумитаи ҳамоҳангсоз ва мақомоти кории он дар як соли охир ҷамъбаст ва вазифаҳо барои давраи оянда муайян гардида, масъалаҳои баргузории чорабиниҳои муштараки фаврӣ-ҷанговарии низомиёни ҳайати низоми ягонаи мудофиаи ҳавоии ИДМ дар соли 2022 баррасӣ мешавад.
Тибқи иттилои Кумитаи иҷроияи ИДМ, 12-14 апрел дар Чимкент инчунин машқҳои якҷояи ситоди гурӯҳи компютерии системаи ягонаи зиддиҳавоии мудофиаи кишварҳои узви ИДМ «Бехатарии минтақавӣ-2022» ташкил карда хоҳад шуд. «Ҳаракатҳои низомӣ дар ду манзилгоҳ гузаронида мешаванд, ки дар ҷараёни он масъалаҳои омодагӣ ва истифодаи низомиёни мудофиаи зиддиҳавоӣ дар минтақаи Осиёи марказӣ ва Қазоқистон таҳия карда мешавад. Масъалаҳои омӯзишӣ ва ҷангӣ барои муқобила бо душмани шартӣ дар ҳаво аз ҷониби мутахассисони дифои ҳавоӣ дар нуқтаҳои автоматикунонидашуда, ки ба шабакаи умумии иттилоотии маҳаллӣ пайвастанд, анҷом дода мешаванд», — шарҳ дод вазорати мудофиаи Қазоқистон.
Тавре зикр намуданд, машқҳои компютерии фармондеҳию ситодӣ дар бисёр кишварҳо самти умедбахши такмили омодагии ҷангии кадрҳои низомӣ мебошанд. «Ин усули роҳандозӣ имкон медиҳад, ки намудҳои мухталифи вазъият, истифодаи неруҳо ва воситаҳои дифои зиддиҳавоӣ ба зудӣ татбиқ карда шаванд»,-гуфтанд дар хадамоти матбуотӣ.
АКС аз бойгонӣ
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
