ИМРӮЗ — РӮЗИ КАЙҲОННАВАРДОН. Тоҷикистон дар нахустин парвози инсон ба кайҳон саҳм гузоштааст

Апрель 12, 2022 14:39

ДУШАНБЕ, 12.04.2022 /АМИТ «Ховар»/. Рӯзи байналмилалии парвози инсон ба кайҳон аз ҷониби Ассамблеяи генералии  СММ ба хотири таҷлил аз оғози давраи кайҳонӣ барои инсоният эълон шудааст. Маҳз дар ҳамин рӯз, 12 апрели соли 1961, кайҳоннаварди  шӯравӣ Юрий Гагарин дар таърихи инсоният аввалин парвози кайҳонӣ анҷом дод. 

Тавре АМИТ «Ховар» қаблан хабар дода буд, бахшида ба ин рӯз бо ибтикори Россотрудничества диктанти ҳарсолаи сайёравии «Рафтем!» доир гардид. Ба ин чорабинӣ дӯстдорони  мавзӯъҳои ситораҳо аз Аргентина, Арманистон, Қазоқистон, Чин, Муғулистон ва Тоҷикистон тавассути барномаи телевизионии мустақим ҳамроҳ шуданд. 

Агентии Sputnik бо  истинод ба намояндагии Россотрудничества хабар медиҳад, ки дар диктанти ситораҳо дар Тоҷикистон ҳудуди 130 нафар аз шаҳрҳои Душанбе ва Хуҷанд ширкат намудаанд. Ба гуфтаи  манбаъ, диктант як навъ санҷишест, ки ҳар кас метавонад аз он гузарад. Вай аз масъалаҳои на он қадар мураккаби пайванд бо аввалин парвози инсон ба коинот, бо одамоне, ки дар ибтидои барномаи кайҳонии шӯравӣ истода буданд, бо қаҳрамонон — кайҳоннавардон ва парвозҳои оянда, аз ҷумла ба дигар сайёраҳо иборат аст.

Дар Намояндагии Россотрудничества ҳамчунин аз нақши Тоҷикистон дар нахустин парвози инсон ба кайҳон ёдовар шуданд: донишмандони тоҷик ба таҳия ва татбиқи низоми тозакунии ҳаво дар киштии кайҳонии «Восток» машғул будаанд. Маҳз дар ҳамин киштӣ  12 апрели соли 1961 халабон-кайҳоннаварди СССР Юрий Алексеевич Гагарин аввалин шуда, ба коинот парвоз кард.

Киштӣ соати 09:07-и вақти Москва аз космодроми шӯравии  Байконур, воқеъ дар Қазоқистон ба фазо cap дода шуд. Ва муваффақона ба Замин баргашт. Ин парвоз натиҷаи меҳнати миллионҳо нафар одамон аз тамоми ИҶШС ва рамзи комёбиҳои илмӣ-техникии мамлакати пахновар буд.

 

Апрель 12, 2022 14:39

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»