МУБОРАК БОД! Дастаи мунтахаби футзали Тоҷикистон ба марҳилаи ниҳоии Ҷоми Осиё-2022 роҳ ёфт

ДУШАНБЕ, 12.04.2022 /АМИТ «Ховар»/. Дастаи мунтахаби футзали Тоҷикистон таҳти роҳбарии сармураббӣ Пайрав Воҳидов дар марҳилаи интихобии Ҷоми Осиё-2022 дар минтақаи Марказӣ ва Ҷанубӣ дар гурӯҳи «В» мақоми дуюмро касб карда, ба марҳилаи ниҳоии мусобиқа, ки тирамоҳ дар Кувайт баргузор мешавад, роҳ ёфт. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Дастаи мо дар марҳилаи интихобии Ҷоми Осиё-2022 бар дастаи Непал (11:1) пирӯз шуда, ҳисобро бо дастаи Афғонистон мусовӣ (4:4) кард ва аз дастаи Узбекистон (2:5) шикаст хӯрд.

Дар натиҷа дастаи мунтахаби футзали Тоҷикистон чаҳор имтиёз ба даст оварда, дар ҷадвал зинаи дуюмро касб намуд.

АКС: ФФТ