Сарвари давлат Эмомалӣ Раҳмон дар ноҳияи Ҷаббор Расулов Коргоҳи истеҳсоли масолеҳи сохтмонии ҶДММ «Хишти аълосифат»-ро ба истифода супориданд

Апрель 15, 2022 11:08

ДУШАНБЕ, 15.04.2022. /АМИТ «Ховар»/. 15 апрел Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари корӣ дар вилояти Суғд дар деҳоти Гулхонаи ноҳияи Ҷаббор Расулов Коргоҳи истеҳсоли масолеҳи сохтмонии Ҷамъияти дорои масъулияти маҳдуди “Хишти аълосифат”-ро, ки фаъолияташ тариқи хатҳои муосири технологӣ ба роҳ монда шудааст, ба истифода супориданд.

Корҳои сохтмонӣ соли 2019 оғоз гашта, иншоот аз ҷониби мутахассисони ватанӣ бунёд карда шуд.
Майдони умумии замини корхона 1,84 гектарро дар бар гирифта, масоҳати зери сохтмон 6811 метри муррабаъро ташкил медиҳад.

Корхонаи хиштбарорӣ аз ҷониби соҳибкори маҳаллӣ, директори Ҷамъияти дорои масъулияти маҳдуди “Хишти аълосифат” Нӯъмон Розиқов бунёд карда шудааст.

Истеҳсоли хишт ду марҳиларо дар бар гирифта, тибқи нақша дар як сол корхона дорои иқтидори истеҳсоли 5 миллион дона хишти пухта мебошад.

Барои босифат ва ба талаби замон истеҳсол намудани маҳсулот техникаву таҷҳизоти муосир, ки ба меъёру стандартҳои ҷаҳонӣ ҷавобгӯ мебошанд, аз Ҷумҳурии Мардумии Чин дастрас карда шуданд.

Иттилоъ дода шуд, ки бо таъсиси коргоҳи истеҳсоли масолеҳи сохтмонии “Хишти аълосифат” барои 40 нафар сокини маҳаллӣ ҷойи кори доимӣ фароҳам оварда шуд.

Мавриди зикр аст, ки дар ноҳияи Ҷаббор Расулов бо ифтитоҳи иншооти навбунёд шумораи корхонаҳои замонавӣ, ки самти фаъолияташонро истеҳсоли хишти пухта ташкил медиҳад, ба 11 адад расид.

Дар қаламрави Ҷумҳурии Тоҷикистон 134 корхонаи хиштбарорӣ буда, аз ин дар шаҳри Душанбе 6, вилояти Хатлон 16, Вилояти Мухтори Кӯҳистони Бадахшон 1, вилояти Суғд 53 ва шаҳру ноҳияҳои тобеи марказ 58 корхона фаъолият дорад.

Ҳаҷми истеҳсоли маҳсулот дар соли 2021 — 178 миллион дона ва дар моҳҳои январ-феврали соли 2022 4,5 миллион дона хишти пухтаро ташкил медиҳад.

Бояд гуфт, ки дар замони соҳибистиқлолӣ таваҷҷуҳ ва дастгириҳои ҳамешагии давлат ва Ҳукумати Ҷумҳурии Тоҷикистон ба рушди бахши хусусӣ ва таъсиси коргоҳу корхонаҳои муосири замонавӣ замина гузошта, ба ин васила дар баробари рушди иқтисоди миллӣ ҳамзамон ҳазорҳо нафар сокинони ҷумҳурӣ дар соҳаи истеҳсолот бо ҷойи кори доимӣ таъмин гаштанд.

Зимни ифтитоҳи коргоҳи истеҳсоли масолеҳи сохтмонии “Хишти аълосифат” Сарвари давлат муҳтарам Эмомалӣ Раҳмон ба ташаббуси ободкоронаи соҳибкори ватанӣ Нӯъмон Розиқов баҳои арзанда дода, зикр сохтанд, ки баҳри рақобатпазир гаштани маҳсулоти истеҳсолӣ, таъмини талаботи сокинон бо хишти пухта ва фаъолияти мунтазами коргоҳи истеҳсолӣ таваҷҷуҳ ва меҳнати содиқона замина мегузорад.

Ифитоҳи Коргоҳи истеҳсоли масолеҳи сохтмонии ҶДММ “Хишти аълосифат” дар ноҳияи Ҷаббор Расулов 15.04.2022

Апрель 15, 2022 11:08

Хабарҳои дигари ин бахш

Фармони Президенти Ҷумҳурии Тоҷикистон
Хиради омӯзгор ҷаҳлу хурофотро аз байн мебарад ва сарчашмаи комёбиҳо мегардад, — бардошт аз ҳамоиш дар вилояти Хатлон
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Сарвари давлат Эмомалӣ Раҳмон дар Рӯзи дониш ва дарси сулҳ иштирок намуданд
Доир ба заминаҳо, таҳаввулот ва дурнамои Истиқлоли давлатӣ машварати илмӣ-назариявӣ баргузор шуд
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон ба муносибати Рӯзи дониш ва Дарси сулҳ
Эмомалӣ Раҳмон: Дӯстӣ ва ҳамкории Тоҷикистону Чин дар сухан не, дар амал аст
Дар ноҳияи Рӯшон майдончаҳои варзишӣ ба истифода дода шуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
Сарвазири Тоҷикистон Қоҳир Расулзода дар ноҳияи Хуросон бо корҳои ободонию созандагӣ шинос шуд
Шарҳи Амри Президенти Ҷумҳурии Тоҷикистон
Амри Президенти Ҷумҳурии Тоҷикистон