«ҲАФТ ПУШТИ ХУДРО ДОНИСТАН ШАРТ АСТ!». Мутолиаи китоби «Тоҷикон»-и Бобоҷон Ғафуров дар Кӯлоб
КӮЛОБ, 06.05.2022 /АМИТ «Ховар»/. Китоби «Тоҷикон»-и академик Бобоҷон Ғафуров, ки бо дастгирии бевоситаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дастраси ҳар як оилаи Тоҷикистон гардид, имрӯз мавриди таваҷҷуҳи хосу оми Тоҷикистон гардидааст. Калонсолон бо ташнагӣ онро варақ мезананд, мехонанд ва ба насли ҷавону ояндасоз мутолиаи онро маслиҳат медиҳанд.
Сокини шаҳри Кӯлоб Давлатмурод Раҳимов (ДАР АКС) аз китоби «Тоҷикон» истифода карда, 10 маҷмӯаи шеъри худро рӯи чоп оварда, ҳангоми мутолиаи он фарзандону наберагонашро наздаш мехонад ва бардошти маънавиашро аз ин асари безавол ба онҳо нақл менамояд. Дар бораи ин китоб бо ҳиссиёт ҳарф мезанад ва барои дастрас гардиданаш изҳори сипос ба Роҳбарияти олии Ҷумҳурии Тоҷикистон менамояд.
Қобили зикр ва пайравӣ аст, ки Давлатмурод Раҳимов дар замири фарзандону наберагон шавқи китобхонию китобдӯстиро бедор сохтааст. Дар ин оила ҳама ба хондани китоб рағбати беандоза доранд. Фарзанди калонии бобои Давлатмурод Наргис Раҳимова дар Муассисаи таҳсилоти миёнаи умумии №10 аз фанни забон ва адабиёти тоҷик дарс мегӯяд. Ӯ аллакай китоби «Тоҷикон»-ро мутолиа карда, дар раванди дарсҳояш аз он васеъ истифода мебарад.
Тавре Наргис Раҳимова мегӯяд, ӯ ҳамарӯза ин китоби пурқимат ва пурҳикматро ба шогирдон омӯзонида, моҳияти онро ба онҳо мефаҳмонад, то ки аз таърихи гузаштагон бархурдор гарданд.
«Таърихи гузаштаи халқамонро ҳар як сокини кишвар бояд донад, бинобарин китобҳои «Тоҷикон»-и академик Бобоҷон Ғафуров ва «Тоҷикон дар оинаи таърих»-и Пешвои миллат Эмомалӣ Раҳмонро бояд ҳама хонанд. Мардум беҳуда нагуфтаанд: ҳафт пушти худро донистан шарт аст», — иброз дошт Наргис Раҳимова.
Мавриди зикр аст, ки дар шаҳри Кӯлоб дар аксари оилаҳо чун оилаи Давлатмурод Раҳимов китоби «Тоҷикон»-и Бобоҷон Ғафуровро дастаҷамъона мехонанд ва муҳтавои ҳар як саҳифаро ба ҳамдигар шарҳ медиҳанд. Мутолиаи ин асари таърихӣ тафаккур ва ҷаҳонбинии хонандаро васеъ менамояд ва хонандаи закӣ аз таъриху фарҳанг, маданияти миллати тоҷик огаҳии бештар пайдо менамояд.
Сулаймон ХОЛЗОДА,
АМИТ «Ховар»
АКС: АМИТ «Ховар»
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ШЕЪРИ РӮДАКӢ — ПАЁМИ ДОНИШУ ХИРАД ВА НАКӮКОРИЮ ҶАВОНМАРДӢ. Эҳдо ба Рӯзи Рӯдакӣ
«ҲУҶҶАТИ МИЛЛӢ БА НОМИ РӮДАКӢ БОЯД ГИРИФТ…». Ва ё ҳамзабону ҳаммиллати Устод Рӯдакӣ будан шарафи бузург аст
НАҚШ ВА МАҚОМИ УСТОД РӮДАКӢ. Андешаҳо дар ин мавзуъ
ИМРӮЗ — РӮЗИ РӮДАКӢ. Ба ин муносибат конференсияи байналмилалии илмӣ-назариявӣ доир мешавад
Моҳи октябр Намоишгоҳи чордаҳуми байналмилалии «Китоби Душанбе» баргузор мегардад
Дар Агентии инноватсия ва технологияҳои рақамӣ оид ба тарғиби либоси миллӣ ҳамоиши фарҳангӣ доир шуд
Муассисаи давлатии «Тоҷикфилм» доир ба сарнавишти Борбади Марвазӣ филми ҳунарӣ ба навор мегирад
