Ҳайати Тоҷикистон дар Конфронси 27-уми ҷонибҳои Конвенсияи чорчӯбаи СММ оид ба тағйирёбии иқлим иштирок менамояд
ДУШАНБЕ, 13.05.2022 /АМИТ «Ховар»/. Омодагии Ҷумҳурии Тоҷикистон барои иштирок дар Конфронси 27-уми ҷонибҳои Конвенсияи чорчӯбаи Созмони Милали Муттаҳид /СММ/ оид ба тағйирёбии иқлим, ки моҳи ноябри соли 2022 дар Шарм-ул-Шайхи Миср баргузор мешавад, зимни мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо Директор оид ба рушди Осиёи Марказии Вазорати корҳои хориҷӣ, Иттиҳод ва рушди Шоҳигарии Муттаҳидаи Британияи Кабир ва Ирландияи Шимолӣ Мирза Ҷаҳанӣ дар Душанбе баррасӣ шуд, иттилоъ доданд дар Кумитаи ҳифзи муҳити зисти назди Ҳукумати Ҷумҳурии Тоҷикистон.
Мусоҳибон ҳамзамон масъалаҳои вобаста ба натиҷаҳои Конфронси 26-уми ҷонибҳои Конвенсияи чорчӯбаи СММ оид ба тағйирёбии иқлим ва сафарбаркунии захираҳо ва саҳми эҳтимолии Департаменти корҳои хориҷӣ, Иттиҳод ва Рушд /FCDO/ дар масъалаҳои баланд бардоштани иқтидор оид ба ҳифзи муҳити зист ва тағйирёбии иқлимро муҳокима намуданд.
Инчунин раиси Кумита баргузории Конфронси 2-юми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» ва ибтикори Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро муҳим арзёбӣ намуд.
Ҳамзамон масъалаи аз ҷониби Пешвои миллат муҳтарам Эмомалӣ Раҳмон эълон намудани соли 2025 Соли ҳифзи пиряхҳо ва таъсиси Бунёди байналмилалии ҳифзи пиряхҳо мавриди таваҷҷуҳи ҷонибҳо қарор гирифт.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Ташаккули сиёсати зиддикоррупсионии Ҳукумати Ҷумҳурии Тоҷикистон дар даврони истиқлоли давлатӣ баррасӣ гардид
Агентии инноватсия ва технологияҳои рақамӣ ва Бонки рушди Авруосиё санади ҳамкорӣ ба имзо расониданд
«РАҚАМИКУНОНИИ МИНТАҚАҲОИ ОЗОДИ ИҚТИСОДӢ». Дар форуми байналмилалӣ 12 санади ҳамкорӣ имзо шуд
Дар Тоҷикистон нахустин коргоҳи истеҳсоли ранги хокавӣ барои хатҳои уфуқии роҳҳои мошингард ба истифода дода шуд
Дар шаш моҳи соли 2026 ҳаҷми гардиши савдо байни Тоҷикистон ва Озарбойҷон ба 10,2 миллион доллар расид
Тоҷикистон 85 фоизи аҳолиро бо маҳсулоти ғизоии ватанӣ таъмин мекунад
Аъзои ҳайати Фландрияи Подшоҳии Белгия бо фаъолияти «Шаҳри ҳушманд» шинос гардиданд
Тоҷикистон ва ЮНИСЕФ ҳамкориро дар самти рушди сармояи инсонӣ ва рақамикунонӣ густариш медиҳанд
Агентии «Тоҷикстандарт» дар шаҳри Душанбе 110 кг маҳсулоти гуногуни ҳасибии пастсифат ва ғайристандартиро ошкор намуд
Тақвияти ҳамкорӣ дар соҳаи ҳифзи муҳити зист байни Тоҷикистон ва Муғулистон баррасӣ гардид
Пиряхҳоро аз обшавӣ бояд ҳифз намуд, — бардошт аз конфронси байналмилалии илмӣ-амалӣ дар Душанбе
Содироти маҳсулоти Тоҷикистон ба Чин баррасӣ шуд
