Дар Минск ҷаласаи Шӯрои намояндагони доимии кишварҳои ИДМ доир ба ҷамъбасти натиҷаҳои ҷаласаи Шӯрои вазирони корҳои хориҷӣ дар Душанбе доир мегардад

Май 31, 2022 13:22

ДУШАНБЕ, 31.05.2022 /АМИТ «Ховар»/. Имрӯз, 31 май дар Кумитаи иҷроияи Иттиҳоди Давлатҳои Мустақил /ИДМ/ дар Минск ҷаласаи навбатии Шӯрои намояндагони ваколатдори доимии давлатҳои аъзои ИДМ дар назди мақомоти оинномавӣ ва дигар мақомоти Иттиҳод баргузор мешавад. Тавре ба АМИТ «Ховар» дар дафтари матбуоти Кумитаи иҷроияи ИДМ иттилоъ доданд, дар он Сафири Фавқулода ва Мухтори Ҷумҳурии Тоҷикистон дар Ҷумҳурии Беларус, Намояндаи доимии Ҷумҳурии Тоҷикистон дар мақомоти оинномавӣ ва дигар мақомоти ИДМ Маҳмадшариф Ҳақдод иштирок мекунад.

Дар ҷаласа аъзои Шӯрои намояндагони  ваколатдори доимии давлатҳои аъзои ИДМ  натиҷаҳои ҷаласаҳои Шӯрои вазирони корҳои хориҷӣ ва Шӯрои сарони ҳукуматҳои ИДМ-ро,  ки чанде пеш баргузор шуданд, ҷамъбаст намуда, вазифаҳоро оид ба татбиқи ҳуҷҷатҳои   чанде қабл қабулшуда ва созишҳои ҳосилгардида муайян мекунанд.

Ёдовар мешавем, ки ҷаласаи Шӯрои вазирони корҳои хориҷии  ИДМ 13 май дар Душанбе бо иштироки роҳбарони  идораҳои сиёсати хориҷии ИДМ баргузор шуд, ки дар он 10 ҳуҷҷат қабул гардид. Ҷаласаи Шӯрои намояндагони ҳукуматҳо 20 май ба таври маҷозӣ баргузор шуд. Сарони ҳукуматҳо якчанд ҳуҷҷатҳоро, ки ба рушди минбаъдаи ҳамкорӣ дар соҳаи таъмини амнияти биологӣ ва иттилоотӣ, тавсеаи ҳамкории ҷавонон ва илмию технологӣ нигаронида шудаанд, ба имзо расониданд. Илова бар ин, намояндагони доимӣ ният доранд, ки дурнамои рушди заминаи ҳуқуқии ИДМ дар соли 2022-ро баррасӣ намоянд.

   АКС аз бойгонӣ

Май 31, 2022 13:22

Хабарҳои дигари ин бахш

Дар Масқат даври дуюми машваратҳои сиёсии Ҷумҳурии Тоҷикистон бо Салтанати Уммон баргузор гардид
Дар шаҳри Лондон Ҷашни байналмилалии Наврӯз таҷлил гардид
Дар Теҳрон Ҷашни Наврӯзи байналмилалиро таҷлил намуданд
РАВАНДИ ОБИ ДУШАНБЕ. Сироҷиддин Муҳриддин: «Ба инсоният тақрибан 50 сол зарур омад, то талошҳоро дар масоили об муттаҳид намояд»
Дар Москва ҷаласаи Шӯрои иқтисодии Иттиҳоди Давлатҳои Мустақил баргузор шуд
Тоҷикистон ҳамкорӣ бо давлатҳои минтақаро муҳимтарин воситаи рушди муштарак ва таъмини сулҳу субот мешуморад
Ҳайати Тоҷикистон дар иҷлосияи Шӯрои вазирони корҳои хориҷии СҲИ дар Мавритания иштирок намуд
РАВАНДИ ОБИ ДУШАНБЕ. Дар Марокаш нишасти матбуотӣ оид ба Конфронси оби СММ баргузор гардид
РАВАНДИ ОБИ ДУШАНБЕ. Дар Қоҳира тадбирҳои муштарак ва ҳамоҳангӣ дар доираи Эътилофи ҷаҳонии обу иқлим баррасӣ шуд
Дар Душанбе вохӯрии панҷуми ҷашнии машваратии сарони давлатҳои Осиёи Марказӣ доир мегардад
Дар Душанбе ҷаласаи гурӯҳҳои корӣ оид ба делимитатсияи сарҳади давлатии Тоҷикистон ва Қирғизистон баргузор шуд
РАВАНДИ ОБИ ДУШАНБЕ. Дар Теҳрон бахшида ба Конфронси оби СММ-2023 нишаст баргузор гардид