Дар ноҳияи Ашт иштирокчиёни ҷангро аёдат намуданд

Май 2, 2022 11:57

ДУШАНБЕ, 02.05.2022 /АМИТ «Ховар»/. Бо мақсади аёдат намудани ду нафар иштирокчии Ҷанги дуюми ҷаҳонӣ, ки ҳоло дар ноҳияи Ашт давраи пирӣ меронанд, намояндагони Консулгарии генералии Федератсияи Русия дар шаҳри Хуҷанд Андрей Вараламов ва Масан Роман ба ноҳияи Ашт омаданд. Дар ин бора ба АМИТ «Ховар» дар Мақомоти иҷроияи ҳокимияти давлатии ноҳияи Ашт хабар доданд.

Тавре иттилоъ дода шуд, меҳмононро Раиси ноҳияи Ашт Шӯҳрат Муҳаммадзода ва роҳбарони сохторҳои мақомоти иҷроияи ҳокимияти давлатии ноҳияи Ашт роҳбаладӣ намуданд.

Меҳмонон иштирокчиёни Ҷанги дуюми ҷаҳонӣ Қучқор Ҳоҷиматов (15.06.1926, деҳаи Саро) ва Абдуқодир Холматов (02.05.1925, деҳаи Бободархон)-ро хабар гирифта, аз заҳматҳою қаҳрамонии онҳо ёдовар шуданд.

Раиси ноҳия Шӯҳрат Муҳаммадзода иброз намуд, ки заҳматҳои пайвастаи иштирокчиёни ҶДҶ ва хизматҳои шоёни онҳоро дар ҷодаи ба даст овардани ғалаба давлату ҳукумат ҳеҷ гоҳ фаромӯш намесозад. Дар фарҷоми мулоқот Қӯчқор Ҳоҷиматов ва Абдуқодир Холматов бо шукргузорӣ аз оромиву ободии меҳан, сиёсати одилонаи Пешвои миллат муҳтарам Эмомалӣ Раҳмон даст ба дуо бардоштанд.

Баъдан намояндагони Консули генералӣ Андрей Вараламов ва Масан Роман ба МТМУ рақами 2-и Ҷамоати шаҳраки Шайдон ва Мактаби хусусии «Нури Раҳмон»-и Ҷамоати деҳоти Ашт рафта, бо хонандагону омӯзгорон суҳбати хосса анҷом доданд.

АКС: МИҲД н.Ашт

Май 2, 2022 11:57

Хабарҳои дигари ин бахш

Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст