ГӮШТИНИ ЮНОНӢ-РИМӢ. Варзишгарони тоҷик дар мусобиқаи байналмилалӣ дар Қазоқистон ширкат доранд

Май 4, 2022 14:21

ДУШАНБЕ, 04.05.2022 /АМИТ «Ховар»/. 3 май дар шаҳри Нурсултони Қазоқистон мусобиқаи байналмилалӣ оид ба гӯштини юнонӣ-римӣ ба хотири Жаксилик Ушкемпиров миёни ҷавонони то 20-сола оғоз гардид, ки дар он 5 гӯштингари тоҷик иштирок доранд. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.

Дар мусобиқа беш аз 300 варзишгар аз минтақаҳои гуногуни Қазоқистон, ҳамчунин варзишгарон аз ҷумҳуриҳои Тоҷикистон, Қирғизистон, Узбекистон ва Эрон ширкат мекунанд.

Ба иттилои Федератсияи гӯштини Тоҷикистон, аз ҷумҳурии мо 5 варзишгар – Фирӯз Мирзораҷабов (60кг), Сиёвуш Очилов (63кг), Шероз Очилов (72кг), Султон Саидзода (72кг) ва Русланҷони Рустамҷон (82кг) ба Қазоқистон сафарбар гардидаанд. Онҳоро дар ин сафар мураббӣ Фаррухрӯз Раҳмонов ва довар Ҷаҳонгир Аланазаров ҳамроҳӣ мекунанд.

Дар доираи мусобиқа ҳамчунин курси омӯзишӣ барои доварон баргузор шуд, ки дар он Ф. Раҳмонов ва Ҷ. Аланазаров ширкат карданд. Машғулияти назариявӣ анҷом ёфта, дар доираи мусобиқа машғулияти амалӣ сурат мегиранд, ки дар натиҷа ба иштирокчиён сертификати довари дараҷаи байналмилалӣ тақдим мешавад.

АКС: КМО Тоҷикистон

Май 4, 2022 14:21

Хабарҳои дигари ин бахш

Футболбози тоҷик Нуриддин Давронов фаъолияташро дар Ҳиндустон идома медиҳад
ФУТБОЛ. Алишер Тӯхтаев муваққатан сармураббии дастаи «Истиқлол»-и шаҳри Душанбе таъйин шуд
ҶОМИ КФО-2022: КМВА аз «Суғдиёна» шикаст хӯрд
АҲСАН! Варзишгари тоҷик Моҳрў Ҳалимова дар Чемпионати Осиё оид ба таэквондо медали биринҷӣ ба даст овард
ҶОМИ КФО-2022. Имрӯз КМВА-и Душанбе бо дастаи «Суғдиёна»-и Узбекистон бозӣ мекунад
Дар Тоҷикистон барои рушди сохтори варзиши дзюдо барномаи махсус амалӣ мешавад
ҶОМИ КФО. «Хуҷанд»-и Тоҷикистон бар дастаи «Копетдаг»-и Туркманистон ғолиб омад
ҶОМИ КФО-2022. Дастаи КМВА-и Душанбе бо «Алтин Асир»-и Ашқобод мусовӣ бозӣ кард
Таеквондочиёни тоҷик дар Чемпионати Осиё ширкат меварзанд
ҶОМИ КФО. Имрӯз дар гурӯҳи «F» байни дастаҳои «Хуҷанд» ва «Копетдаг» бозӣ баргузор мешавад
Имрӯз Мусобиқаи «Grand Slam»-и Улан-Батор оид ба дзюдо оғоз мешавад
Дастаи мунтахаби футболи Тоҷикистон дар раддабандии ФИФА якбора шаш зина боло рафт