Имрӯз дар Москва бахшида ба 30-юмин солгарди равобити дипломатии Тоҷикистон ва Русия намоишгоҳ ифтитоҳ мешавад
ДУШАНБЕ, 12.05.2022 /АМИТ «Ховар»/. Китобхонаи миллии Русия (КМР) имрӯз, 12 май дар бинои нави худ бахшида ба 30-юмин солгарди истиқрори равобити дипломатии Тоҷикистон ва Русия намоишгоҳи «Тоҷикистон: фарҳанг ва анъана»-ро ифтитоҳ менамояд. Тавре ба АМИТ «Ховар» аз дафтари матбуоти Китобхонаи миллии Русия хабар доданд, маросими ифтитоҳи намоишгоҳ 12 май, соати 16:00 ба вақти Москва (18.00 ба вақти Душанбе) дар бинои нави Китобхонаи миллии Русия дар суроғаи ш. Санкт-Петербург, хиёбони Московский, 165 сурат мегирад.
«Намоишгоҳ дар бораи таърихи халқи тоҷик- куҳантарин мардуми бумии Осиёи Миёна, инчунин оид ба комёбиҳои ҷумҳурӣ, ки соли 1929 ба ҳайати ИҶШС дохил шуда буд ва Тоҷикистони кунунӣ маълумот медиҳад. Дар намоиш нашрияҳои нодири хазинаи тоҷикии шуъбаи адабиёти миллии Китобхонаи миллии Русия ба маърази тамошо гузошта шудаанд»,-хабар доданд дар дафтари матбуоти китобхона.
Миёни китобҳои нодир ёддоштҳои тоҷири бухороӣ Мирзо Шамси Бухорӣ «Дар бораи баъзе воқеаҳои Бухоро, Қӯқанд ва Қошғар», ки шарқшиноси рус Василий Григорйев тарҷума намудааст (Қазон, 1861), асари муаррих Абутоҳир-Ҳоҷӣ «Самария: тавсифи ёдгориҳои таърихии Самарқанд» (Санкт-Петербург, 1904) мавҷуданд. Тамошобинони китобхона бо осори маорифпарварон, шоирон, файласуфон ва олимони тоҷик, аз қабили Аҳмади Дониш, Абӯалӣ ибни Сино, Фирдавсӣ, Рӯдакӣ, Умари Хайём, инчунин бо достони миллии «Гуруғлӣ» ва афсонаҳои халқӣ шинос мешаванд.
Яке аз бахшҳо доир ба таърихи хатти мардум, вожаҳои аз забони русӣ иқтибосшуда, хусусияти савтӣ ва алифбои форсӣ нақл мекунад. Қисме аз намоишгоҳ ба мусиқии миллии Тоҷикистон, ороишу нақшу нигори мардумӣ, идҳо, расму оин ва ҳунари таббохӣ бахшида шудааст. Намоишро албомҳои аксҳо пурра мекунанд, ки барои саёҳати маҷозӣ ба шаҳрҳои қадимӣ ва маконҳои сайёҳӣ кумак мерасонанд.
Намоишгоҳ дар асоси маводи шуъбаи адабиёти миллӣ ва Хазинаи китоби Русия ташкил гардида, то 29 май идома мекунад.
Тавре АМИТ «Ховар» қаблан бо истинод ба дафтари матбуоти Кумитаи иҷроияи ИДМ хабар дода буд, 19 апрел дар Кохи калони Вазорати корҳои хориҷии Русия Вазири корҳои хориҷии Федератсияи Русия Сергей Лавров намоишгоҳи аксҳои ҳуҷҷатиро бахшида ба 30-солагии барқарор гардидани муносибатхои дипломатӣ миёни Федератсияи Русия ва Точикистон, инчунин дигар кишварҳо- аъзои ИДМ ифтитоҳ намуд.
Акс: КМР
Дар Бохтар аввалин Фестивал-намоишгоҳи байналмилалии донишгоҳҳои давлатҳои хориҷӣ баргузор гардид
Дар мавзуи «Паёми Президенти Тоҷикистон ва масъалаҳои рушди фаъолияти китобдорӣ ва бойгонишиносӣ» ҳамоиш доир шуд
Дар Академияи миллии илмҳои Тоҷикистон бо ҳайати намояндагони Академияи илмҳои Чин вохӯрӣ доир шуд
Дар Тоҷикистон барномаи омӯзишии Мактаби театрии Александрин мегузарад
ТАРБИЯИ ВАТАНДӮСТИИ ШАҲРВАНДОН. Дар шаҳри Ҳисор озмунҳои «Тоҷикистони ман!» ва «Шоҳнома Ватан аст!» доир мегарданд
Байни Тоҷикистон ва Италия Барномаи ҳамкории фарҳангӣ, илмӣ ва технологӣ барои солҳои 2024-2027 ба имзо расид
Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
САДРИДДИН АЙНӢ-БУНЁДГУЗОРИ АДАБИЁТИ НАВИНИ ТОҶИК. Дар Академияи миллии илмҳои Тоҷикистон конференсияи илмӣ-адабӣ гузаронида шуд
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
