«МИЛИПОЛ, ҚАТАР-2022». Намояндагони Вазорати корҳои дохилии Тоҷикистон дар ин намоишгоҳи байналмилалии бехатарӣ ва амният иштирок доранд
ДУШАНБЕ, 24.05.2022 /АМИТ «Ховар»/. 23 май ҳайати Вазорати корҳои дохилии Ҷумҳурии Тоҷикистон таҳти роҳбарии муовини Вазири корҳои дохилӣ, генерал-майори милитсия Саиднахш Раҳмонзода ба шаҳри Давҳаи Давлати Қатар барои иштирок дар Намоишгоҳи 14-уми байналмилалии бехатарӣ ва амният — «Милипол, Қатар-2022» сафар намуд, хабар доданд ба АМИТ «Ховар» дар Вазорати корҳои дохилӣ.
Зимни сафар муовини Вазири корҳои дохилӣ Саиднахш Раҳмонзода бо муовини Вазири корҳои дохилӣ — мудири кулли ҷамъиятии Давлати Қатар, генерал-майор Саъд бин Ҷосим Ал-Хулайфӣ вохӯрӣ намуд.
Дар ҷараёни вохӯрӣ ҷонибҳо масъалаҳои мубрами ҳамкориро миёни Вазорати корҳои дохилии Ҷумҳурии Тоҷикистон ва Қатар ва дар ин замина нақшаҳои минбаъдаро ҷиҳати дар амал татбиқ намудани Созишномаи байниҳукуматӣ оид ба ҳамкорӣ дар соҳаи амният баррасӣ карданд.
Ёдовар мешавем, ки ҳайати Вазорати корҳои дохилӣ 24-26 май дар Намоишгоҳи байналмилалии бехатарӣ ва амният «Милипол, Қатар — 2022» иштирок мекунад. Дар ҳошияи намоишгоҳ вохӯриҳои ҳайати Тоҷикистон бо намояндагони ширкатҳои истеҳсолкунандаи таҷҳизоту технологияҳои таъмини амнияти ҷамъиятӣ, ҳифзу тартибот ва инчунин иштирок дар ҷаласаҳои тахассусӣ дар назар аст.
Акс: ВКД ҶТ
Прокурори ҳарбии гарнизони Суғд: «Нақши Ваҳдати миллӣ дар рушди Қувваҳои Мусаллаҳ ва ҳифзи манфиатҳои миллӣ беназир аст»
Маркази матбуоти Вазорати корҳои дохилии Ҷумҳурии Тоҷикистон хабар медиҳад
Дар Душанбе корхонаи ғайриқонунии истеҳсоли доруворӣ ошкор гардид
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
