ПАНҶСОЛАИ РУШДИ САНОАТ. Дар Истаравшан барои саноатикунонии босуръати Тоҷикистон тадбирҳои муҳим амалӣ мегарданд
ДУШАНБЕ, 07.05.2022 /АМИТ «Ховар»/. Барои расидан ба ҳадафи чоруми миллӣ-саноатикунонии Тоҷикистон бояд аз тамоми имконият истифода бурда шавад. Ин нуктаро Раиси вилояти Суғд Раҷаббой Аҳмадзода дар доираи боздиди корӣ аз шаҳри Истаравшан иброз намуд, хабар медиҳад АМИТ «Ховар» бо истинод ба Хадамоти матбуоти Раиси вилоят.
Дар шаҳри Истаравшан бо мақсади саҳм гузоштан дар амалӣ шудани ҳадафи чоруми миллӣ — саноатикунонии босуръати мамлакат тадбирҳои муҳим амалӣ мегарданд. Бо ин мақсад Раиси вилоят бо фаъолияти корхонаҳои ҶДММ «Файзи тиҷорат», ҶДММ «Сими стандарт» ва корҳои васлу насби таҷҳизот дар ҶДММ «Зиё-Нур» шинос гардид.
Корхонаи коркарди пахтаи Ҷамъияти дорои масъулияти маҳдуди «Файзи тиҷорат» дар деҳаи Ругунди Ҷамоати деҳоти Сабристон ҷойгир ва ба истеҳсоли маҳсулоти пахтагин машғул аст. Барои таъмини фаъолияти муназзами корхонаи коркарди пахта хатҳои нави истеҳсолӣ аз Узбекистон ва Ҷумҳурии Мардумии Чин ворид ва насб гардидаанд.
Ҷамъияти дорои масъулияти маҳдуди «Сими стандарт» ба истеҳсоли мех ва симтӯрҳои гуногунҳаҷм машғул аст. Роҳбарияти корхона тасмим гирифтааст, ки бо истифода аз дастгириҳои давлату Ҳукумат фаъолияти худро васеъ ва номгӯи маҳсулотро бештар намояд.
Дар Ҷамъияти дорои масъулияти маҳдуди «Зиё-Нур» васлу насби хатҳои нави истеҳсолӣ чараён дорад. Дар ин корхонаи саноатӣ масолеҳи пластикӣ ва бозичаҳои бачагона истеҳсол шуда, баъди ба итифода додани он беш аз 50 нафар бо ҷойи кор таъмин мешаванд. Бо харҷи 1 миллион сомонӣ таҷҳизот ва хатҳои нави истеҳсолӣ аз Федератсияи Русия ва Чин ворид карда шуда, айни замон корҳои омодагӣ барои роҳандозии фаъолият идома доранд. Маҳсулоти корхона ба кишварҳои Осиёи Миёна содирот карда мешавад.
Раиси вилоят ташаббуси соҳибкорони маҳаллиро ҷиҳати ба роҳ мондани маҳсулоти содиротӣ истиқбол карда, иброз дошт, ки барои расидан ба ҳадафи чоруми миллӣ-саноатикунонии кишвар бояд аз тамоми имконият истифода бурда шавад.
АКС: Хадамоти матбуоти Раиси в. Суғд
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Президенти Тоҷикистон: «Бунёди Неругоҳи барқи обии «Роғун» муҳимтарин дастоварди даврони соҳибистиқлолии Тоҷикистон аст»
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
