РОҲҲО БОЗ МЕШАВАНД. Узбекистон барои ҳамлу нақли мусофирон ба Қазоқистон роҳи оҳанро барқарор менамояд
ДУШАНБЕ, 12.05.2022 /АМИТ «Ховар»/. Узбекистон роҳи оҳанро барои ҳамлу нақли мусофирон ба Қазоқистон, ки бар асари пандемия мутаваққиф гардида буд, барқарор менамояд. Тавре АМИТ «Ховар» бо истинод ба ТАСС хабар медиҳад, дар ин бора рӯзи чоршанбе аз ширкати «Роҳи оҳани Узбекистон» иттилоъ доданд.
«Дар мувофиқа бо ҶС «НК» «Роҳи оҳани Қазоқистон» ҳамлу нақли мусофирон миёни кишвари мо ва Ҷумҳурии Қазоқистон барқарор карда мешавад. Шурӯъ аз 15 майи соли 2022 қатораи мусофирбари №647/648 ҳаракатро дар хатсайри Нуқус –Бейнеу –Нуқус оғоз менамояд. Аз 16 май қатораи № 1/2 дар масири Алмаато –Тошканд-Алмаато ба ҳаракат медарояд.
Ҳаракати даврии қатораҳо дар масирҳои зикргардида аз истгоҳи роҳи оҳани «Тошканди Марказӣ» ба Қазоқистон дар як ҳафта се маротиба сурат мегирад», — омадааст дар хабаре, ки сомонаи ширкат нашр намудааст. Мусофироне, ки ба Қазоқистон меоянд, бояд маълумотнома оид ба гузаштан аз санҷиши COVID-19-ро тавассути Реаксияи занҷиравии полимеразӣ (РЗП) пешниҳод кунанд.
Аз 15 апрели соли равон ширкатҳои нақлиётии Узбекистон ҳаракати мунтазами автобусҳоро барқарор карданд, ки ду сол қабл бар асари пандемия қатъ шуда буд. 11 апрели соли 2022 Узбекистон ҳаракати ҳаррӯзаи автобусҳоро бо Қазоқистон ва аз октябри соли 2021 бо Тоҷикистон барқарор намуд. Қаблан хатсайрҳои мусофирбарӣ миёни Тоҷикистон-Узбекистон ва Тоҷикистон-Қазоқистон низ кушода шуда буданд.
АКС аз манбаъҳои боз
Дар шаҳраки Сайҳуни вилояти Суғд лоиҳаи нави Бонки Аврупоии таҷдид ва рушд амалӣ карда мешавад
Дар ҷаласаи дуюми роҳбарони хадамоти гумрукии қолаби «Осиёи Марказӣ-Чин» се санади калидӣ ба имзо расид
Байни Тоҷикистон ва Корпоратсияи исломии рушди бахши хусусӣ механизмҳои сармоягузорӣ таҳия мегарданд
Дурнамои ҳамкорӣ бо Намояндагии Хазинаи кӯдакони Созмони Милали Муттаҳид дар Тоҷикистон баррасӣ карда шуд
Дар Суғд вобаста ба пешгирии истифодаи ғайриқонунии неруи барқ вохӯрӣ доир гардид
Тақвияти ҳамкории гумрукӣ байни Тоҷикистон ва Чин баррасӣ гардид
Ҳайати Тоҷикистон дар ифтитоҳи расмии ҷаласаҳои солонаи Гурӯҳи БИР иштирок намуд
«Саноатсодиротбонк» бо Бонки содиротию воридотии Арабистони Саудӣ Ёддошти тафоҳум ба имзо расонид
Дар мулоқот бо ҳайати Бонки ҷаҳонӣ тақвияти низоми молиявӣ баррасӣ гардид
Дар Алмато Шартҳои техникии Протокол оид ба мубодилаи маълумоти пешакии гумрукӣ байни Тоҷикистон ва Қазоқистон ба имзо расид
Байни Тоҷикистон ва Русия мубодилаи почта барқарор гардид
Дар Душанбе ҷалби сармояи ширкатҳои Саудӣ ба соҳаи энергетикаи Тоҷикистон баррасӣ шуд
