Амина Муҳаммад, муовини Дабири кулли СММ: «Кофронси Душанбе оид ба об дар сатҳи баланд ташкил шудааст»
ДУШАНБЕ, 07.06.2022 /АМИТ «Ховар»/. Муовини Дабири кулли Созмони Милали Муттаҳид Амина Муҳаммад, ки ҷиҳати иштирок дар Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018 – 2028» дар Душанбе қарор дорад, имрӯз бо Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мулоқот намуд.
Пас аз мулоқот муовини Дабири кулли СММ Амина Муҳаммад дар нишасти матбуотӣ зикр кард, ки «дар доираи ин сафар мо имконият пайдо намудем, ки бо Президенти Ҷумҳурии Тоҷикистон Эмомалӣ Раҳмон мулоқот намоем. Дар ҷараёни ин вохӯрӣ мо вобаста ба натиҷаҳои Конфронси имрӯза суҳбати муфид доштем».
Амина Муҳаммад таъкид кард, ки «дар ин мулоқот ба масъалаҳои идоракунии захираҳои оби фаромарзӣ ва минтақаҳои кӯҳӣ аҳамияти хосса зоҳир карда шуд».
«Мо тамоми натиҷаҳои ин Конфронсро (Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, с. 2018 – 2028», 6-9 июн дар шаҳри Душанбе – тавзеҳи АМИТ «Ховар») барои баррасӣ ба Конфронси СММ оид ба об, ки моҳи марти соли 2023 дар Ню-Йорк таҳти раёсати Тоҷикистон ва Нидерланд баргузор мешавад, пешниҳод мекунем»,- тазаккур дод ӯ.
Бояд гуфт, ки Конфронси Ню-Йорк оид ба об на танҳо аз нигоҳи вақт (бори нахуст пас аз тақрибан 50 сол), балки аз ҷиҳати натиҷагирӣ низ таърихӣ буда, нуқтаи гардиш дар суръатбахшии амалҳо барои ноил шудан ба ҳадафҳои обро нишон медиҳад.
«Ба Президенти Ҷумҳурии Тоҷикистон муҳтарам Эмомалӣ барои пешсафӣ дар пешбурди масъалаҳои вобаста ба об ва дар сатҳи баланд ташкил намудаи Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018 – 2028» минатдории худро баён медорам», — гуфт дар анҷоми нишасти матбуотӣ Муовини Дабири кулли СММ Амина Муҳаммад.
АКС: АМИТ «Ховар»
Дар Душанбе рушди ҳамкории судманди Тоҷикистон ва сохторҳои Созмони Милали Муттаҳид баррасӣ гардид
Дар Москва иштироки ҳайати Тоҷикистон дар Намоишгоҳи байналмилалии сайёҳии «MITT» баррасӣ гардид
Сафири Тоҷикистон бо Вазири мероси фарҳангӣ, гардишгарӣ ва саноеи дастии Эрон мулоқот намуд
Сафири Тоҷикистон бо Вазири омӯзиш ва парвариши Эрон мулоқот намуд
Тамошои дастҷамъонаи Паёми Президенти Ҷумҳурии Тоҷикистон Эмомалӣ Раҳмон дар шаҳрҳои Русия
Тамошои дастҷамъонаи Паёми Президенти Ҷумҳурии Тоҷикистон ба Маҷлиси Олӣ дар сафорати Тоҷикистон дар Москва
Сироҷиддин Муҳриддин бо сафирони кишварҳои аъзои Иттиҳоди Давлатҳои Мустақил мулоқот намуд
Дар Донишгоҳи Фирдавсии Машҳад ҳамоиши «Рӯдакӣ ва пайвандҳои фарҳангии Эрон ва Тоҷикистон» баргузор гардид
Раиси иҷлосияи 79-уми Маҷмаи Умумии Созмони Милали Муттаҳид ба Конфронси Душанбе даъват шуд
Масъалаи ҷалби сармояи хориҷӣ ва сайёҳон бо намояндагиҳои дипломатии Тоҷикистон баррасӣ гардид
Ҳамкории Тоҷикистон бо сохтори Созмони Милали Муттаҳид оид ба масъалаҳои коҳиши офатҳои табиӣ баррасӣ шуд
Ҷаласаи Комиссияи миллии Ҷумҳурии Тоҷикистон оид ба корҳои ЮНЕСКО баргузор гардид
