Бо мақсади баланд бардоштани маърифати ҳуқуқии афсарон ҳамоиши методӣ-таълимӣ баргузор гардид

Июнь 29, 2022 09:54

ДУШАНБЕ, 29.06.2022 /АМИТ «Ховар»/. Бо мақсади тақвияти донишу малака, мубодилаи таҷриба, инчунин баланд бардоштани маърифати ҳуқуқии афсарон оид ба корҳои сиёсӣ-тарбиявии ҷузъу томи Вазорати мудофиа ва навъҳои қӯшуни Қувваҳои Мусаллаҳ дар толори «Кохи афсарон» ҳамоиши методӣ-таълимӣ баргузор гардид. Дар ин бора ба АМИТ «Ховар» дар Вазорати мудофиа хабар доданд.

Масъулини Вазорати мудофиа  дар назди иштирокдорони ҳамоиш  баромад намуда, таъкид карданд, ки онҳо дар иҷрои вазифаҳои бар зимаашон гузошташуда пурмасъул бошанд ва дар  машғулиятҳои пешбинигардида малакаи худро сайқал дода, дар раванди вазифаҳои хизматӣ аз он ба таври самаранок истифода намоянд.

Дар қисмати назариявии ҳамоиши методӣ-таълимӣ мутахассисони як қатор вазорату идораҳо аз ҷумла, Академияи миллии илмҳо, Академияи Вазорати корҳои дохилӣ, Кумитаи дин, танзими анъана ва ҷашну маросим, Сарпрокуратураи ҳарбӣ ва Агентии назорати давлатии молиявӣ ва мубориза бо коррупсия дар мавзуъҳои «Терроризм ва экстремизм ҳамчун зуҳуроти номатлуби ҷомеа», «Аҳамияти таърихии китоби «Тоҷикон»-и Бобоҷон Ғафуров», омӯзиши талаботи «Стратегияи давлатии муқовимат бо коррупсияи Ҷумҳурии Тоҷикистон барои то давраи соли 2030», Қонуни Ҷумҳурии Тоҷикистон  «Дар бораи танзими анъана ва ҷашну маросим дар Ҷумҳурии Тоҷикистон» ва расонидани муҳтавои Паёми навбатии Президенти Ҷумҳурии Тоҷикистон ба Маҷлиси олӣ маърузаҳои пурмазмун намуданд.

Бо дарназардошти оне, ки қисми асосии ҳайати афсарону сарбозони Артиши миллии кишварро ҷавонон ташкил медиҳанд, баромадкунандагон зикр  карданд, ки тарбияи ҷавонон яке аз масъалаҳои муҳимест, ки ба он мебояд бо масъулияти баланд муносибат кард. Зеро аз муносибати мо, ояндаи ҷавонон, яъне чӣ гуна шаклгирии шахсияти онҳо ва ҳам саҳмгириашон дар пешравии ҷомеа вобаста аст.

Дар идома ҳайати иштирокчиёни ҷамъомади методӣ-таълимӣ аз қисми ҳарбии  Қувваҳои ҳарбӣ-ҳавоӣ ва мудофиаи зиддиҳавоии Қувваҳои Мусаллаҳ дидан намуда, машғулияти назариявии азхуднамудаашонро дар амал тадбиқ намуданд.

Иштирокчиён аз китобхона, хонаҳои фароғативу хизмати маишӣ, гӯшаи ҳунарҳои мардумӣ ва дигар нуқтаҳои вобаста ба самти фаъолияти корҳои сиёсӣ-тарбиявӣ дидан намуда, вазифадор гардиданд, ки ҷиҳати пешбурди фаъолияти пурсамари хеш аз чунин тартиби пешбинигардида кор баранд.

АКС: Вазорати мудофиаи ҶТ

Июнь 29, 2022 09:54

Хабарҳои дигари ин бахш

Вобаста ба марги муҳоҷири меҳнатӣ дар шаҳри Москва: шарҳи Сафорати Тоҷикистон
Дабири кулли СММ башариятро аз афзоиши хатари яроқи ҳастаӣ ҳушдор дод
Ҳабибулло Воҳидзода: Дар ноҳияҳои наздисарҳадии Тоҷикистон бо Афғонистон беш аз се тонна маводи нашъаовар мусодира гардид
Ҷаласаи Кумитаи зиддитеррористии Шӯрои амнияти СММ дар Ҳиндустон баргузор мегардад
Чин моҳи август раёсати Шӯрои амнияти Созмони Милали Муттаҳидро бар уҳда мегирад
Нақши Тоҷикистон дар мубориза бо муомилоти ғайриқонунии маводи нашъаовар дар минтақа муҳим арзёбӣ шуд
НЭНСИ ПЕЛОСӢ БА ТАЙВАН ОМАД. Сафири ИМА ба Вазорати корҳои хориҷии Чин даъват шуд
ИМА изҳор доштанд, ки ҳаққи гузаронидани амалиёти зиддитеррористӣ дар Афғонистонро нигоҳ медоранд
АЗ-ЗАВОҲИРӢ ДАР АФҒОНИСТОН КУШТА ШУД. Байден амалиёти ИМА-ро барои нобуд кардани роҳбари «Ал-Қоида» комилан муваффақона хонд
АРТИШИ МАРДУМИИ ОЗОДИХОҲИ ЧИН 95-СОЛА ШУД. Имрӯз ҶМЧ солгарди таъсиси қувваҳои мусаллаҳашро таҷлил менамояд
Густариши ҳамкории Тоҷикистон ва Ҷопон доир ба мубориза бар зидди ҷинояткории фаромиллӣ баррасӣ гардид
БУНЁДИ МУДОФИАВӢ БА ХОТИРИ ҲИФЗИ СУЛҲ ДАР ҶАҲОН. 1 август Артиши мардумии озодихоҳи Чин солгарди 95-уми таъсиси худро таҷлил менамояд

Маводҳои таҳлилӣ