«ДАР ДУНЁ ҲЕҶ НЕРУЕ БУЗУРГТАР АЗ ҚУВВАИ ВАҲДАТ НЕСТ!». Чунин иброз медорад мудири бахши САҲШ-и ноҳияи Шоҳмансур Зебинисо Султонова

Июнь 26, 2022 12:48

ДУШАНБЕ, 26.06.2022 /АМИТ «Ховар»/. Инак 25 сол мешавад, ки Ҷумҳурии Тоҷикистон баҳри бунёди  давлати демократӣ, ҳуқуқбунёд, дунявӣ ва ягона дар фазои сулҳу суббот, адолату амният ва осоиштагӣ дар роҳи расидан ба ҳадафҳои рушди устувор қадам мезанад. Таърих гувоҳ аст, ки солҳои 90-уми асри 20  Тоҷикистон дар баробари дигар мамлакатҳои собиқ Иттиҳоди  Шўравӣ истиқлолият ва давлатдории миллии худро расман эълон намуд. Ин истиқлолият ва ягонагӣ баёнгари орзуву ормонҳои ҳазорсолаи абармардони миллати тоҷик буд, ки барои расидан ба ин ҳадафи олӣ дар саҳнаи таърих яке бо қалам ва дигаре бо ҷасорату мардонагӣ ҷонбозиҳои зиёд намудааст. Ин матлабро мудири бахши Сабти асноди ҳолати шаҳрвандӣ дар ноҳияи Шоҳмансури шаҳри Душанбе Зебинисо  СУЛТОНОВА бахшида ба Рўзи  Ваҳдати миллӣ баён намуд.

Ҳамсуҳбати мо ёдовар шуд, ки  Ҷумҳурии Тоҷикистони тозаистиқлол дар рӯзҳои нахустини давлатдории миллии худ, дар роҳи сохти ҷомеаи демократӣ нахустин қадамҳои худро гузоштан буд, ки душманони дохилию хориҷӣ ҷанги таҳмилии шаҳрвандиро ба сараш бор намуданд. Вазъи сиёсӣ рӯз то рӯз дар мамлакат мураккаб гардида, Ҷумҳурии Тоҷикистонро ҳамчун кишвари тозаистиқлол хатари нестшавӣ таҳдид мекард.

— Дар ин лаҳзаҳои ҳассоси таърихи барои миллати тоҷик нафаре лозим буд, ки худро фидо кунаду миллатро сарҷамъ ва пойдории давлати соҳибистиқлоламонро таъмин созад. Хушбахтона бо баргузории Иҷлосияи 16-уми Шӯрои Олии Ҷумҳурии Тоҷикистон Пешвои миллат, муҳтарам Эмомалӣ Раҳмон ҳамчун раиси Шӯрои Олии Ҷумҳурии Тоҷикистон интихоб гардид ва ин марди таърихӣ дастёбии сулҳи тоҷиконро ба миён гузошт ва ба заминаҳои рушди кишвар оғоз бахшид, — изҳор  намуд ў.

Мавсуф илова кард, ки бо талошу заҳмат ва ҷонбозиҳои зиёди ҷавонмарди сарнавиштсоз Эмомалӣ Раҳмон ва дигар фарзандони ватанпараст, меҳандӯст ва сулҳхоҳи тоҷик баъд аз нофаҳмиҳо ва даргириҳои таҳмилӣ дар натиҷаи музокироти сулҳ ба ин кашмакашҳо хотима гузошта, ниҳоятан 27 июни соли 1997 «Созишномаи истиқрори сулҳ ва ризоияти миллӣ» дар шаҳри Москваи Федератсияи Русия имзо намуданд ва Ваҳдати миллӣ ба даст омад.

— Сулҳу суботе, ки дар   натиҷаи ба имзо расонидани Созишномаи умумии истиқрори сулҳ ва ризоияти миллӣ дар Тоҷикистон фароҳам оварда шуд, дастоварди бузург ва муқаддаси миллати мо мебошад. Ин санад ифодакунандаи қатъи ҷанги дохилӣ буда, ба оғози ҳаёти осоишта қадам ниҳодани мамлакатро инъикос менамояд, — мегўяд Зебинисо Султонова.

Номбурда ёдовар шуд, ки пас аз мусолиҳаи миллӣ ва Созишномаи истиқрори сулҳ ва ризоияти миллӣ,  шурӯъ аз оғози соли 2000 то инҷониб Ҳукумати мамлакат таҳти роҳбарии Пешвои миллат муҳтарам Эмомалӣ Раҳмон ҷиҳати рушди мамлакат ҳадафҳои стратегиро интихоб намуда, барои таъмин ва ҳимояи ҳуқуқу озодиҳои инсон ва шаҳрванд фазои қонунгузориро дар мамлакат ба миён гузошт ва бо қабултатбиқгардони санадҳои меъёрӣ ҳуқуқӣ ва қонунҳои амалкунанда имкон дод, ки волоияти қонун дар мамлакат таъмин гардад.

— Дар воқеъ, бо гузашти 25 соли пойдории Ваҳдати миллӣ ва дар заминаи қонуни асосӣ, яъне Кониститутсияи Ҷумҳурии Тоҷикистон дар мамлакат як қатор санадҳои меъёрӣ ҳуқуқӣ ва қонунҳои миллӣ аз ҷумла Қонуни Ҷумҳурии Тоҷикистон «Дар бораи танзими анъана ва ҷашну маросим», Қонуни Ҷумҳурии Тоҷикистон «Дар бораи масъулияти падару модар» ва даҳҳо қонунҳои дигар қабул карда шуданд, ки бо татбиқи онҳо пеши роҳи ҷинояту ҷинояткорӣ, хурофотпарастӣ исрофкорию зиёдаравӣ гирифта шуда, осоиштагӣ ва дар руҳияи худшиносию худогоҳӣ, ватандустӣ ва раҳнамун сохтани шаҳрвандон, бахусус ҷавонон дар бунёди ҷомеаи шаҳрвандӣ ва адолатпарвар мусоидат намуд. Дар самти татбиқи қонунҳои амалкунанда, баланд бардоштан маърифатнокии шаҳрвандон ва ҳимояи ҳуқуқу озодиҳои онҳо бошад, саҳми ҳукумату давлат, вазорату идораҳои дахлдори мамлакат, бахусус сабтҳои асноди ҳолати шаҳрвандӣ дар шаҳру ноҳия ва вилоятҳои ҷумҳурӣ хеле зиёд аст, — тазаккур дод ў.

Мудири бахши САҲШ-и  ноҳияи Шоҳмансур Зебинисо Султонова даъват кард, ки «Шоиста аст, ки тамоми инсоният дар эҷоди ваҳдат ҳарчи бештар кӯшиш кунанд. Зеро башар дар  ҳама ҳолат ба ваҳдат ниёз дошт ва дорад. Дар ҷомеае, ки ниҳоли ваҳдат кишта шуд, дар муддати кӯтоҳ  меваи муваффақият дод. Биёед, бо шукргузорӣ аз истиқлолият, ваҳдати миллӣ ва тамомияти арзии мамлакатамон, барои таҳкими  бештари он бикӯшем ва рӯҳияи истиқлол дӯстиро дар афкори ҷомеа, махсусан ҷавонон тақвият намоем. Дар дунё ҳеч неруе хуштар аз ваҳдат нест. Зеро хушбахтии дунё аз ваҳдат сарчашма мегирад».

АКС: АМИТ «Ховар»

Июнь 26, 2022 12:48

Хабарҳои дигари ин бахш

«Туту.ру»: Тоҷикистон ба панҷгонаи маъруфтарин кишварҳои мавсими махмалин барои русиягиҳо шомил гардид
ИМРӮЗ-РӮЗИ БАЙНАЛМИЛАЛИИ ҶАВОНОН. Бахшида ба ин сана дар Тоҷикистон Анҷумани VIII маҳфили «Ҷавононе, ки дар хориҷи кишвар таҳсил мекунанд» оғоз меёбад
БАРОИ ЭЛЕКТРОМОБИЛҲО ЧАРОҒАК САБЗ АСТ. Тоҷикистон ният дорад истифодаи чунин воситаҳои нақлиётро афзоиш дода, воридоти онҳоро аз пардохтҳои андозӣ ва гумрукӣ пурра озод кунад
Узбекистон тасмим гирифтааст, ки миёни Бухоро ва Душанбе хатсайри мустақим ифтитоҳ намояд
ДАР АВРУПО БИНОБАР НОРАСОИИ ОБ ВА ХУШКСОЛӢ ДАРАҶАИ «СУРХ»-И ХАВФ ҶОРӢ ШУДААСТ. Тоҷикистон ва Нидерланд ба баргузории Конфронси СММ оид ба масъалаҳои об дар Ню Йорк омодагӣ мебинанд
ПРЕЗИДЕНТИ ТОҶИКИСТОН ДАР ИН БОРА ҲУШДОР ДОДА БУДАНД. Пиряхҳои Антарктида аз ҳисоби 2-3 дараҷа гарм шудани об тезтар об мешаванд
КҲФ ҲУШДОР МЕДИҲАД: ЭҲТИЁТ КУНЕД! Аз 5 то 8 август дар Тоҷикистон омадани селҳои пиряхӣ эҳтимол дорад
ПРЕЗИДЕНТИ ТОҶИКИСТОН БОРҲО ДАР ИН МАВЗӮЪ ГУФТААНД. Барномаи СММ хабар медиҳад, ки ғарби ИМА метавонад бе об ва барқ бимонад
ОБХЕЗИИ ХАРОБИОВАР ДАР ЭРОН. Президенти Тоҷикистон ба Президенти Эрон барқияи изҳори тасаллӣ ирсол намуданд
COVID-19. Ба Тоҷикистон беш аз 2 миллион воя ваксинаи «КоронаВак» ворид гардид
ТАЛАБОТ БА ЧИПТАҲОИ ҲАВОПАЙМО 10 БАРОБАР ЗИЁД ШУД! Тоҷикистон миёни кишварҳои маъруфтарин барои сафари шаҳрвандони Русия дар ҷои дуюм қарор гирифт
ҲАВОИ МОҲИ АВГУСТ ДАР ТОҶИКИСТОН САЛҚИНТАР МЕШАВАД? Ба ин савол ба АМИТ «Ховар» дар Агентии обуҳавошиносӣ посух доданд

Маводҳои таҳлилӣ