Дар ноҳияи Мастчоҳ корхонаи парандапарварӣ ба истифода дода шуд
ДУШАНБЕ, 01.06.2022 /АМИТ «Ховар»/. 1 июн дар Ҷамоати деҳоти Палдораки ноҳияи Мастчоҳ корхонаи парандапарварии «Ҷумъабойи Мирзо» мавриди истифода қарор дода шуд, ки масоҳати умумии корхонаи мазкур 0,40 га буда, аз он дар 500 м2 бинои асосӣ ҷой дода шудааст, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Корхона бо ҳиммату иқдоми соҳибкори маҳаллӣ Шукрулло Мирзозода бо маблағи беш аз 635 ҳазор сомонӣ бунёд шуда, барои парвариши 7 ҳазор сар мурғи гӯштдеҳ пешбинӣ гардидааст. Баробари бунёди ин корхона 8 нафар сокини маҳаллӣ бо ҷойи кор ва маоши муносиб таъмин шудаанд.
Раиси ноҳия Аъзам Ализода зимни ифтитоҳи корхона ба соҳибкор Шукрулло Мирзозода барои ташаббус ва иқдоми созандааш изҳори миннатдорӣ намуда, афзуд, ки «соҳибкорони бонангу номуси ноҳия дар партави дастуру ҳидоятҳои Пешвои миллат муҳтарам Эмомалӣ Раҳмон бо бунёд намудани корхонаву фабрикаҳои парандапарварӣ аҳолии ноҳияро бо гӯшту маҳсулоти хушсифати паранда таъмин менамоянд».
Дар ноҳияи Мастчоҳ айни замон 10 корхонаи парандапарварӣ фаъолият доранд, ки дар 5 моҳи соли равон беш аз 260 тонна гӯшти мурғ ва 18 миллион дона тухм истеҳсол намудаанд.
АКС: Хадамоти матбуоти Раиси вилояти Суғд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
