Дар Теҳрон ҳамоиши сайёҳии Тоҷикистон ва Эрон баргузор гардид
ДУШАНБЕ, 14.06.2022 /АМИТ «Ховар»/. Бо ташаббуси Сафорати Ҷумҳурии Тоҷикистон дар Теҳрон ва дар ҳамкорӣ бо Вазорати мероси фарҳангӣ, гардишгарӣ ва саноеи дастии Ҷумҳурии Исломии Эрон 9 июн ҳамоиши сайёҳии Тоҷикистон ва Эрон баргузор гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Дар чорабинии мазкур дар баробари намояндагони Вазорати мероси фарҳангӣ, гардишгарӣ ва саноеи дастии Эрон ва Кумитаи рушди сайёҳии Тоҷикистон, роҳбарони ширкатҳои сайёҳии ҳарду кишвар, анҷуманҳо, намоишгоҳҳои сайёҳӣ ва воситаҳои ахбори омма ширкат варзиданд.
Ҳамоишро Сафири Ҷумҳурии Тоҷикистон дар Эрон Низомиддин Зоҳидӣ ифтитоҳ намуд, ки дар он вазъи кунунӣ ва дурнамои равобити Тоҷикистон ва Эрон дар партави сафари Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Теҳрон (29-30 майи соли 2022) мавриди арзёбӣ қарор гирифт. Дар ин росто зикр гардид, ки имзои санадҳои дуҷониба дар соҳаҳои мухталиф зимни боздиди мазкур заминаи мусоидро барои тақвияти ҳамкорӣ дар арсаҳои гуногун, аз ҷумла дар бахши сайёҳӣ миёни Тоҷикистону Эрон фароҳам овардааст.
Дар ҷараёни ҳамоиш роҳбарияти ширкатҳои сайёҳии “Ориент Тур”, “Расул Тур”, “Рафтем”, ва “Хидматрасонии сайёҳӣ”-и Тоҷикистон имкониятҳои сайёҳии кишварро муаррифӣ карданд. Дар ҳошияи ин чорабинӣ мусаввараҳо ва филмҳо дар бораи ҷозибаҳои сайёҳии Тоҷикистон ба намоиш гузошта шуда, дар фарҷоми он қарордодҳои ҳамкорӣ байни ширкатҳои Тоҷикистон ва Эрон ба имзо расид.
Акс: ВКХ ҶТ
Дар Душанбе раванди татбиқи санаду барномаҳои ҳамкорӣ байни Тоҷикистон ва Қирғизистон баррасӣ гардид
Масъалаи ифтитоҳи хонаҳои тиҷоратӣ дар Тоҷикистону Кореяи Ҷанубӣ баррасӣ шуд
Ҳамкории Тоҷикистон ва Корея дар татбиқи лоиҳаҳои иқтисодию иҷтимоӣ баррасӣ гардид
Намояндаи Тоҷикистон дар ҷаласаи ғайрирасмии Кумитаи ҳамоҳангсози Созмони умумиҷаҳонии моликияти зеҳнӣ иштирок намуд
Дар Қоҳира машваратҳои сиёсӣ байни вазоратҳои корҳои хориҷии Тоҷикистон ва Миср баргузор гардид
Давлатшоҳ Гулмаҳмадзода дар мулоқоти Вазири корҳои хориҷии Русия бо сафирони давлатҳои аъзои ИДМ иштирок намуд
Тоҷикистон аз шиддат гирифтани вазъ дар минтақаи Ховари Миёна изҳори нигаронӣ менамояд
Дар Душанбе ҳамкории Тоҷикистон бо Агентии ҳамкории байналмилалии Ҷопон баррасӣ гардид
Масоили рушди ҳамкории сайёҳии Тоҷикистон ва Туркия баррасӣ гардид
Намояндаи доимии Тоҷикистон бо Президенти Ассамблеяи парлумонии Созмони амният ва ҳамкорӣ дар Аврупо мулоқот намуд
Дар Москва машваратҳо дар қолаби «Осиёи Марказӣ – Русия» доир гардиданд
Намояндаи доимии Тоҷикистон бо директори генералии Созмони рушди саноати СММ мулоқот намуд
