ФУТБОЛ. «Истаравшан» пас аз ғалаба бар «Эсхата» дар ҷадвали Чемпионати Тоҷикистон як зина боло шуд

Июнь 23, 2022 08:13

ДУШАНБЕ, 23.06.2022 /АМИТ «Ховар»/. Шоми дирӯз бозии мавқуфмондаи даври 9-уми Чемпионати Тоҷикистон миёни дастаҳои Лигаи олӣ байни дастаҳои футболи «Истаравшан»-и шаҳри Истаравшан ва «Эсхата»-и шаҳри Хуҷанд баргузор шуд. Вохӯрии дастаҳои дар варзишгоҳи «Истаравшан Арена» доир шуда, бо ҳисоби 2 бар 1 ба фоидаи мизбонон анҷом ёфт, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.

Бозӣ миёни дастаҳои футболи «Истаравшан» ва «Эсхата» бо иштироки зиёди мухлисон ва ҳаводорони футболи тоҷик доир гашт. Дастаи «Истаравшан», ки дар ин мавсим наметавонист имтиёз ба даст биёрад, билохира ба ин силсиланокомиҳо нуқта гузошт ва 3 имтиёзи заруриро дар муқобили дастаи «Эсхата» ба даст овард.

Мавриди зикр аст, ки дастаи футболи «Истаравшан»-и шаҳри Истаравшан дар 6 бозии охир натиҷаи на он қадар хуб нишон медод ва дар таҳхонаи ҷадвал маскан гирифтаанд.

Дастаи «Эсхата»-и шаҳри Хуҷанд дар чанд бозии охир кӯшиш дорад, то имтиёзро аз даст надиҳад. Онҳо имрӯз ҳам ба ғалаба наздик буданд, лек ҷилави бозиро то ба охир дар худ нигоҳ дошта натавонистанд.

Чемпионати Тоҷикистон миёни дастаҳои Лигаи олӣ

Даври 9-ум

«Истаравшан» 2:1 «Эсхата »

Голҳо: Дилшод Бозоров, 11 (0:1). Отабек Каримов, 42 (1:1). Амирҷон Сафаров, 68 (2:1).

Беҳтарин бозингари вохӯрӣ: Отабек Каримов («Истаравшан»).

Ёдовар мешавем, ки 21 июни соли равон, дастаҳои футболи «Истиқлол»-и шаҳри Душанбе ва «Равшан»-и ноҳияи Зафаробод дар шаҳри Хуҷанд бозии ба таъхир гузошташудаи даври 9-уми мусобиқоти қаҳрамонии Тоҷикистонро миёни ҳам баргузор карданд. Дар бозии мазкур дастаи футболи «Истиқлол»-и шаҳри Душанбе бо ҳисоби калони 4:0 дастаи «Равшан»-и ноҳияи Зафарободро мағлуб намуд.

Дар ин вохӯрии ҷолиб голҳои дастаи футболи «Истиқлол»-и шаҳри Душанберо Шервони Мабатшоев, дар дақиқаи 13, Алиҷон Кароматуллозода, 45+1 Эрадҷ Раҷабов, 64 ба дарозаи худ ва Рустам Соиров, 68 (0:4) ба нишон расониданд.Беҳтарин бозингари бозии маскур: Шервони Мабатшоев аз дастаи футболи «Истиқлол»-и шаҳри Душанбе дониста шуд.

Натиҷаи дастаҳо дар ҷадвали Чемпионати Тоҷикистон оид ба футбол миёни дастаҳои Лигаи олӣ

                                                                 Б  Ғ  М  Б  Т    И
1  «Хатлон» (Бохтар)                            8  5  3  0  10-4  18

2  КМВА(Душанбе)                               7  4  1  2  11-10   13

3  «Равшан» (Кӯлоб)                            6  3  2  1  6-5  11

4  «Файзканд» (Восеъ)                         7  3  2  2  10-11  11

5 «Хуҷанд» (Хуҷанд)                            8  2  4  2  6-4    10

6 «Истиқлол» (Душанбе)                  4 2  2  0  8-3 8

7«Эсхата» (Хуҷанд)                            6  2  1  3  11-12 7

8  «Регар-ТадАЗ» (Турсунзода)        8  2  1  5  8-11   7

9    «Истаравшан» (Истаравшан)   8  2  1  5  7-7    7

10 «Равшан» (Зафаробод)                  8  1  3  4  8-15  6

Рӯйхати голзанҳои пешсаф: Дилшод Бозоров, Шарафҷон Солеҳов (КМВА) бо  5 тӯбӣ, Мбеке Сиябатчу Деудони («Истаравшан»), Санҷар Рихсибоев («Эсхата»), Фатҳулло Фатҳуллоев («Регар-ТадАЗ») – бо  4 тӯбӣ  қарор доранд.

АКС: Федератсияи футболи Тоҷикистон

Июнь 23, 2022 08:13

Хабарҳои дигари ин бахш

Сомон Турсунзода барандаи медали нуқраи Чемпионати Аврупо оид ба ҷудо байни наврасон гардид
Чемпионати Ассотсиатсияи волейболи Осиёи Марказӣ ҷамъбаст гардид
Дар Душанбе ҷаласаи Кумитаи футзали Федератсияи футболи Тоҷикистон баргузор гардид
Мусобиқаҳои варзишӣ оид ба футболи хурд ва шоҳмоту шашка байни кормандони вазорату идораҳо ҷамъбаст шуд
ФУТБОЛ. Мунтахаби Тоҷикистон «CAFA Nations Cup 2025»-ро бо бозӣ муқобили Малайзия оғоз менамояд
Дастаи Академияи футболи ФФТ дар Мусобиқаи «Ҷоми Қошғар» сазовори ҷои дуюм гардид
Дар Душанбе Чемпионати Ассотсиатсияи волейболи Осиёи Марказӣ (CAVA) оғоз гардид
Дастаи мунтахаби Тоҷикистон оид ба футбол дар Мусобиқаи «CAFA Nations Сup 2025» иштирок мекунад
Дар Душанбе Чемпионати Ассотсиатсияи волейболи Осиёи Марказӣ оид ба волейбол байни духтарони то 16-сола баргузор мегардад
Конфедератсияи футболи Осиё тақвими бозиҳои марҳилаи интихобии Ҷоми Осиё-2026 оид ба футзалро тасдиқ намуд
ФУТБОЛ. Пагоҳ дар Душанбе марҳилаи интихобии Ҷоми Осиё-2026 байни дастаҳои занона дар гурӯҳи «H» оғоз мешавад
Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд