Китобхонаи миллии Тоҷикистон ва Китобхонаи давлатии кӯдакони Русия озмуни байналмилалии адабии муштарак баргузор мекунанд
ДУШАНБЕ, 20.06.2022 /АМИТ «Ховар»/. Китобхонаи миллии Тоҷикистон ва Китобхонаи давлатии кӯдакони Русия таҳти унвони «Тоҷикистон-Русия дар оинаи Китобхона» озмуни байналмилалии адабӣ эълон мекунанд. Озмун дар Ҷумҳурии Тоҷикистон ва Федератсияи Русия барои наврасони 14-16 – сола баргузор мегардад, хабар доданд ба АМИТ «Ховар» дар Китобхонаи миллии Тоҷикистон.
Муҳлати пешниҳоди корҳо ба озмун аз 1 июн то 1 августи соли 2022 ҷараён гирифта, он дар ду марҳила — дар сатҳи миллӣ (бо ҷалби ҳайати доварони коршиноси ҳар як аз кишварҳои ширкаткунанда) ва дар сатҳи байналмилалӣ (бо ҷалби ҳайати доварони коршиноси байналмилалӣ) баргузор мегардад.
Ҳамзамон озмун дар ду номинатсия: «Беҳтарин асари шигифтангези-фантастикӣ» ва «Беҳтарин асари реалистӣ» доир мешавад.
Барои ҳар гурӯҳи синнӣ 1 нафар ғолиб ва 2 нафар финалист, ки ҷойи дуюм ва сеюмро ишғол кардаанд, ё бо ҳам тақсим карданд, муқаррар шудааст. Корҳои пешниҳодшуда мавриди тақриз қарор намегиранд ва баргардонда намешаванд. Масъулияти эътимод ба муаллифи кор бар уҳдаи шахсест, ки онро ба озмун фиристодааст.
Мавриди зикр аст, ки шарикони озмун (Кумитаҳои ташкилӣ): Созмони ғайридавлатии «Пояс-Путь», Маркази омӯзиши Афғонистони муосир буда, созмондиҳандагони озмун: Агентии федералӣ дар умури Иттиҳоди Давлатҳои Мустақил, ҳамватанони бурунмарзӣ ва ҳамкории байналмилалии гуманитарӣ; Ассотсиатсияи арбобони фарҳанг, ҳунар ва маориф оид ба ҷалби кўдакон ба китобхонӣ-«Хонанда тарбият мекунем»; Китобхонаи миллии Тоҷикистон ва Китобхонаи давлатии кўдакони Русия мебошанд.
Озмуни «Тоҷикистон-Русия дар оинаи Китобхона» ба таблиғоти арзишҳои фарҳангии миллии кишварҳои узви Иттиҳоди Давлатҳои Мустақил, рушди муколамаи байнифарҳангӣ, дарёфт ва дастгирии наврасони боистеъдод, барангехтани ҳисси худогоҳӣ ва фаъолият дар онҳо ва фароҳам сохтани имконот барои ҳамкории эҷодӣ нигаронида шудааст. Рушди маҳорати эҷодкории бадеӣ дар насли наврас омили ҷудоинопазир ва таъсирбахши тарбияи шахсият дар муҳити фарҳангӣ буда, ба шаклгирӣ, камолот ва такомули фард таъсири мусбӣ дорад.
АКС: АМИТ «Ховар»
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
Президенти Тоҷикистон: «Меҳргон бояд ба омили рушди фарҳанг, сайёҳӣ ва иқтисоди миллӣ табдил дода шавад»
МЕҲРГОН-ҶАШНИ БАРАКАТУ ФАРОВОНӢ ВА МЕҲРУБОНӢ. Иқтибосҳо аз суханрониҳои Президенти Тоҷикистон
Форуми байналмилалии «Ҳамкории муштараки киносозону продюсерон» ва нишасти матбуотӣ баргузор гардид
«ЗАБОНИ МО – ҶАҲОНИ МО». Анҷумани сеюми забоншиносони давлатҳои ҳамзабону ҳамфарҳанг доир шуд
