Мария Захарова бо куртаи миллии тоҷикӣ чакан дар мазҳари ом намудор шуд
ДУШАНБЕ, 22.06.2022 /АМИТ «Ховар»/. 20 июни соли 2022 намояндаи расмии Вазорати корҳои хориҷии Русия Мария Захарова дар шабакаҳои иҷтимоӣ аксҳоеро нашр кард, ки дар онҳо ў дар чорабинии оммавӣ бо либоси миллии тоҷикӣ чакан ба навор гирифта шудааст, хабар медиҳад мухбири АМИТ «Ховар».
Дар яке аз аксҳо Мария Захарова бо куртаи чакан дар пасманзари гунбазҳои калисои православӣ истода, дар акси дигар ҳамроҳи духтараш ҳангоми банаворгирии филми нав аз рӯи афсонаи машҳур «Кулоҳсурхак ва гурги малла» («Красная шапочка и серый волк») мунъакис гаштааст.
«Имрӯз филми навро дар бораи Кулоҳсурхак ва гурги малла, ки 22 сентябр ба экран мебарояд, дидем, ки чи тавр таҳия мешавад. Гурги малла дар филм сафед аст», — навиштааст Захарова зери ин акс дар Telegram-канали худ.
Тибқи иттилоъ, дар ифтитоҳи Ҳафтаи муд дар Москва, ки аз ҷониби тарроҳи шинохтаи рус Вячеслав Зайтсев ташкил шуда буд, Захарова дар он низ бо куртаи чакан ҳозир шудааст.
Корбарони зиёде аз ин аксҳо ба ваҷд омада, навиштаанд, ки ба Захарова чакани тоҷикӣ зебидааст. Мария Захарова 46 сол дорад. Аз моҳи августи соли 2015, қариб 7 сол аст, ки намояндаи расмии Вазорати корҳои хориҷии Русия мебошад. Захарова дар ин мақом бо ҳамлаҳои тунд ва гоҳо хашмгинонааш алайҳи кишварҳои ғарбӣ маъруф аст. Аммо дар бораи Тоҷикистон вай маъмулан хуб ва бо самимият менависад.
Санъати гулдӯзии чакан, ки махсусан дар ҷануби Тоҷикистон маъруф аст, соли 2018 ба Феҳристи репрезентативии мероси фарҳангии ғайримоддии башарият аз ҷониби ЮНЕСКО шомил шуд.
АКС аз Telegram
Дар Теҳрон Ҷашни Наврӯзи байналмилалиро таҷлил намуданд
РАВАНДИ ОБИ ДУШАНБЕ. Сироҷиддин Муҳриддин: «Ба инсоният тақрибан 50 сол зарур омад, то талошҳоро дар масоили об муттаҳид намояд»
Дар Москва ҷаласаи Шӯрои иқтисодии Иттиҳоди Давлатҳои Мустақил баргузор шуд
Тоҷикистон ҳамкорӣ бо давлатҳои минтақаро муҳимтарин воситаи рушди муштарак ва таъмини сулҳу субот мешуморад
Ҳайати Тоҷикистон дар иҷлосияи Шӯрои вазирони корҳои хориҷии СҲИ дар Мавритания иштирок намуд
РАВАНДИ ОБИ ДУШАНБЕ. Дар Марокаш нишасти матбуотӣ оид ба Конфронси оби СММ баргузор гардид
РАВАНДИ ОБИ ДУШАНБЕ. Дар Қоҳира тадбирҳои муштарак ва ҳамоҳангӣ дар доираи Эътилофи ҷаҳонии обу иқлим баррасӣ шуд
Дар Душанбе вохӯрии панҷуми ҷашнии машваратии сарони давлатҳои Осиёи Марказӣ доир мегардад
Дар Душанбе ҷаласаи гурӯҳҳои корӣ оид ба делимитатсияи сарҳади давлатии Тоҷикистон ва Қирғизистон баргузор шуд
РАВАНДИ ОБИ ДУШАНБЕ. Дар Теҳрон бахшида ба Конфронси оби СММ-2023 нишаст баргузор гардид
Намояндаи Тоҷикистон дар нишасти сеюми вазирони энергетикаи Созмони ҳамкории Шанхай иштирок намуд
Дар қароргоҳи ЮНЕСКО дар Париж бахшида ба Ҷашни байналмилалии Наврӯз ҳамоиш баргузор шуд
