Оғози сафари расмии Президенти Ҷумҳурии Тоҷикистон Эмомалӣ Раҳмон дар Ҷумҳурии Узбекистон

Июнь 2, 2022 14:20

ДУШАНБЕ, 02.06.2022 /АМИТ «Ховар»/. 2 июни соли 2022 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади анҷом додани сафари расмӣ вориди шаҳри Тошканд — пойтахти Ҷумҳурии Узбекистон шуданд.

Дар фурудгоҳи байналмилалии Тошканд меҳмони олимақом- Президенти Ҷумҳурии Тоҷикистон муҳтарам Эмомалӣ Раҳмонро Президенти Ҷумҳурии Узбекистон муҳтарам Шавкат Мирзиёев гарму самимӣ истиқбол гирифтанд.

Ба меҳмони олиқадр гулдастаи тару тоза тақдим карда шуд.

Ба хотири истиқболи сазовори меҳмони олиқадр- Президенти Ҷумҳурии Тоҷикистон муҳтарам Эмомалӣ Раҳмон дар назди зинапояи ҳавопаймо роҳрави қолинии сабз густурда шуда, дар ду канори он Горди фахрӣ саф ороста, майдони фурудгоҳ бо парчамҳои давлатии ҳарду кишвар, аксҳои сарони давлатҳо ва шиорҳои тараннумкунандаи дӯстӣ, ҳамкорӣ ва ҳамҷавории Тоҷикистон ва Узбекистон оро ёфта буд.

Дар назди роҳбарони давлатҳо гурӯҳи дӯстрӯякон дар васфи дӯстии Тоҷикистон ва Узбекистон шеър хонданд.

Баъди анҷоми маросими истиқбол дар толори пазироии меҳмонони олимақоми фурудгоҳ мулоқоти сарироҳии самимии Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев баргузор гардид.

Сарвари кишвари мизбон муҳтарам Шавкат Мирзиёев меҳмони олиқадр, дӯст ва бародари арҷманди худ муҳтарам Эмомалӣ Раҳмонро ба Узбекистон хайрамақдам гуфтанд.

Ҷонибҳо изҳори боварӣ карданд, ки натиҷаҳои ин сафар барои рушду густариши муносибатҳои дӯстию ҳамҷаворӣ ва ба манфиати мардумони ҳарду кишвар неку назаррас хоҳанд буд.

Оғози сафари расмӣ дар Ҷумҳурии Узбекистон 02.06.2022

Июнь 2, 2022 14:20

Хабарҳои дигари ин бахш

Фармони Президенти Ҷумҳурии Тоҷикистон
Сарвари давлат Эмомалӣ Раҳмон дар Рӯзи дониш ва дарси сулҳ иштирок намуданд
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон ба муносибати Рӯзи дониш ва Дарси сулҳ
Эмомалӣ Раҳмон: Дӯстӣ ва ҳамкории Тоҷикистону Чин дар сухан не, дар амал аст
Шарҳи Амри Президенти Ҷумҳурии Тоҷикистон
Амри Президенти Ҷумҳурии Тоҷикистон
Маҷлиси Ҳукумати Ҷумҳурии Тоҷикистон баргузор шуд
Пешвои миллат Эмомалӣ Раҳмон Муовини сарвазир, Вазири корҳои хориҷии Ҷумҳурии Қазоқистон Мурат Нуртлеуро ба ҳузур пазируфтанд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Корея Ли Чжэ Мён суҳбати телефонӣ анҷом доданд
Сарвари давлат Эмомалӣ Раҳмон ба намояндагони сохторҳои қудратӣ ва низомӣ мукофотҳои давлатӣ ва унвону рутбаҳои махсус супориданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар вохӯрӣ бо бунёдгарони НБО «Роғун»
Пешвои миллат Эмомалӣ Раҳмон бо кормандони НБО «Роғун» ва фаъолони шаҳри Роғун мулоқот намуданд