Паҳлавонони тоҷик дар Мусобиқаи ҷаҳонии «Tbilisi Grand Slam- 2022» мақоми ҳафтумро соҳиб гардиданд
ДУШАНБЕ, 07.06.2022 /АМИТ «Ховар»/. Дар мусобиқаи байналмилалии оид ба намуди гуштини дзюдо «Tbilisi Grand Slam 2022», ки 3-5 июни соли равон дар шаҳри Тбилиси пойтахти Гурҷистон баргузор шуд, варзишгарони тоҷик мақоми ҳафтумро соҳиб гардиданд, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи дзюдои Тоҷикистон.
Ҷумҳурии Тоҷикистонро дар ин мусобиқаи сатҳи баланд 9 нафар варзишгар намояндагӣ карданд: Нуралӣ Эмомалӣ, Шаҳбоз Саидаброров (ҳар ду дар вазни -66 кг), Маҳмадшариф Наҷмуддинов, Муҳаммадраҳим Сарахонов (ҳар ду дар вазни -73 кг), Шодмон Ризоев, Муҳаммадҷон Абдуҷалилов (ҳар ду дар вазни -81 кг), Кароматулло Ҳакимов (дар вазни -90 кг), Мансур Раҳмон ва Абубакри Акобир (ҳар ду дар вазни -100 кг).
Аз байни паҳлавонони тоҷик се нафар — Шаҳбоз Саидаброров, Муҳаммадраҳим Сарахонов ва Шодмон Ризоев натиҷаҳои хубтар нишон дода, дар вазни худ ҷои ҳафтумро соҳиб шуданд. Бо се ҷои ҳафтум дастаи мунтахаби Тоҷикистон дар ҳисоби даставӣ мақоми 21-умро ишғол кард. Дастаи мунтахаби Гурҷистон бо касби 14 медал (5 тилло, 4 нуқра ва 5 биринҷӣ) дар ҳисоби даставӣ ғолиб шуд. Дастаҳои мунтахаби Фаронса бо 2 медали тилло ва 4 биринҷӣ дуюм, Кореяи Ҷанубӣ бо 2 тилло сеюм шуданд.
Дар мусобиқаи «Tbilisi Grand Slam 2022» ҳамагӣ 278 варзишгар (173 мард ва 105 зан) аз 36 кишвар ширкат варзиданд.
Ёдовар мешавем, соли гузашта дар мусобиқаи байналмилалии оид ба намуди гуштини дзюдо «Tbilisi Grand Slam 2021» ду паҳлавони тоҷик – Шаҳбоз Саидаброров ва Комроншоҳи Устопириён ширкат доштанд ва Шаҳбоз медали биринҷӣ ба даст оварда буд.
АКС: КМО Тоҷикистон
https://youtu.be/xZ0dk1XfE_w
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
