ВАРЗИШ ҲАМЧУН ВОСИТАИ ТАШАККУЛИ ДӮСТӢ. Дастаҳои футболи Тоҷикистон ва Узбекистон шартномаи ҳамкорӣ бастанд

Июнь 15, 2022 12:24

ДУШАНБЕ, 15.06.2022 /АМИТ «Ховар»/. Ноиби чемпиони Тоҷикистон «Хуҷанд» ва дастаи «Металлург»-и Лигаи олии Узбекистон ёддошти ҳамкорӣ имзо карданд. Дар ин бора дафтари матбуоти дастаи «Хуҷанд»-и Тоҷикистон хабар дод.

Гуфта мешавад, ки ҷонибҳо ба мувофиқа расиданд, ки ҷиҳати табодули таҷриба ва ҳамкории мутақобилан судманди ду даста ва барои таҳкими шарикӣ дар рушди футбол дар сатҳи минтақа тамоми тадбирҳои заруриро меандешанд.

«Ёддошти тафоҳумро директори иҷроияи дастаи футболи «Хуҷанд» Муродҷон Умаров ва директори генералии бошгоҳи касбии футболи «Металлург» Р.М.Черников имзо карданд», — омадааст дар хабар.

Варзишгарон ва мураббиёни онҳо дар бораи табодули таҷриба ва ҳамкории мутақобилан судманд ба мувофиқа расиданд.

Дастаҳо дар доираи лоиҳаҳо ва чорабиниҳо мубодилаи маълумот карда, бозигаронро интиқол медиҳанд, дар доираи рушди футболи наврасон лоиҳаҳои муштаракро байни дастаҳо амалӣ месозанд ва равобитро миёни мактабҳои варзишӣ ташкил мекунанд.

Дастаҳои футбол баргузории тамринҳои муштарак, рушди футболи занона ва футзалро ба нақша гирифтаанд ва бо намояндагони тибби варзишӣ низ ҳамкорӣ хоҳанд кард.


Зимнан дар Бекобод Мусобиқаи байналмилалии кӯдакон барои дарёфти Ҷоми Металлург баргузор шуд. Дар мусобиқа дастаҳои бачагонаи Узбекистон, Қазоқистон, Қирғизистон, инчунин дастаи «Солор»-и Душанбе, ки чемпиони мусобиқа ва барандаи Ҷоми «Металлург» гардид, иштирок намуданд.

АКС: Дастаи футболи «Хуҷанд»

Июнь 15, 2022 12:24

Хабарҳои дигари ин бахш

«ANTALYA GRAND SLAM-2024». Ҷудочии тоҷик Эмомалӣ Нуралӣ ба финал баромад
Ширкати «Париматч Тоҷикистон» сарпарасти кулли Лигаи якум-2024 гардид
Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд