Вазири саноат ва технологияҳои нави Тоҷикистон дар Форуми байналмилалии иқтисодии Санкт-Петербург иштирок мекунад
ДУШАНБЕ, 15.06.2022 /АМИТ «Ховар»/. Имрӯз, 15 июн Форуми байналмилалии иқтисодии Санкт-Петербург (ФБИП) ба кори худ оғоз намуда, то 18 июн идома меёбад. Тақрибан 90 кишвари ҷаҳон аз ширкати худ дар ин форум хабар доданд. Мавзӯи имсолаи чорабинӣ ҷустуҷӯи имкониятҳои нав дар ҷаҳони тағйирёбанда хоҳад буд, иттилоъ медиҳад мухбири АМИТ «Ховар».
Тоҷикистонро дар Форуми байналмилалии иқтисодии Санкт-Петербург Вазири саноат ва технологияҳои нав Шералӣ Кабир намояндагӣ мекунад. Интизор меравад, ки ӯ дар ҷаласае, ки 16 июн баргузор мешавад суханронӣ намояд.
Иштирокчиёни Форум вазъи имрӯза ва афзалиятҳои инкишофи ҳамгироӣ, нақши иттиҳодияҳои ҳамгироӣ дар таъмини суботи иқтисодии давлатҳо дар шароити душвори геополитикӣ, таъсири омилҳои иқтисодӣ ва иҷтимоӣ ба раванди боз ҳам амиқтар гардонидани ҳамгироӣ, нақши ИДМ, Иттиҳоди иқтисодии Авруосиё ва Давлати иттифоқӣ дар бунёди иқтисоди нави ҷаҳонии давраи «баъд аз ковид», ҳамчунин самтҳои асосии ҳамкории байни иттиҳодияҳои ҳамгироӣ барои давраҳои кӯтоҳ ва миёнамуҳлати дарпешистодаро баррасӣ менамоянд.
Бояд зикр намуд, ки мавзӯи Форум дар соли равон: «Ҷаҳони нав-имкониятҳои нав» унвон гирифтааст. Ҳама чорабиниҳои Форум ба чаҳор мавзӯъ ва самтҳо тақсим шудаанд, ки он ба иқтисоди ҷаҳонӣ ва Русия, хабарҳои иҷтимоӣ ва технологӣ ва рушди неруи инсонӣ бахшида мешаванд.
АКС аз бойгонии АМИТ «Ховар»
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
Нақшаи андозҳо ва дигар пардохтҳои ҳатмӣ бо назардошти андози иҷтимоии ғайрибуҷетӣ дар шаҳри Ваҳдат 104,7 фоиз иҷро гардид
«Амонатбонк» дар доираи Ҳафтаи байналмилалии молиявӣ дар Файзобод ҳамоиши омӯзишӣ баргузор намуд
ҚАЛЪАИХУМБ — ВАНҶ — ДАРВОЗАИ РӮШОН. Вазири нақлиёти Тоҷикистон бо ҷараёни таҷдиду навсозии ин қитъаи роҳ шинос шуд
