Дар ноҳияи Ашт лоиҳаи ҳамкорӣ бо соҳибкорони Италия барои коркарди ришта аз нахи пахта мавриди баррасӣ қарор гирифт
ДУШАНБЕ, 22.07.2022 /АМИТ «Ховар»/. Раиси ноҳияи Ашт Шӯҳрат Муҳаммадзода соҳибкорони Италия — сармоягузори ширкати «Ҷавонӣ» дар шаҳри Хуҷанд Имерио Таккелла ва Лаура Таккелларо ба ҳузур пазируфт. Ҷонибҳо вобаста ба густариши ҳамкории дуҷониба оид ба коркарди нахи пахта, истеҳсоли сару либос ва коркарди ришта мулоқоти судманд анҷом доданд, хабар медиҳад АМИТ «Ховар» бо истинод ба хадамоти матбуоти Раиси ноҳияи Ашт.
Шӯҳрат Муҳаммадзода иброз дошт, ки «мо омодаем барои муҷаҳҳазсозии коргоҳҳои ноҳия бо таҷҳизоти муосири коркарди нахи пахта ҳамкорӣ намоем».
Имерио Таккелла тазаккур дод, ки ба коркарди ришта аз нахи пахта ҳавасманд аст ва пас аз омода шудани лоиҳаи ҳамкорӣ корҳои истеҳсолиро ба роҳ мемонанд.
Раиси ноҳия меҳмононро бо ҷараёни сохтмони корхонаи ҷӯроббофӣ бо 200 ҷойи корӣ, корхонаи истеҳсоли пахтаи ҶДММ «Рахшона», нашъунамои пахта ва рушди моҳипарварӣ дар ҳудуди ноҳия шинос намуд.
АКС: Хадамоти матбуоти Раиси ноҳияи Ашт
Дар Душанбе оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 баррасӣ гардид
Дастовардҳои Тоҷикистон дар Форуми иқтисоди рақамии Созмони ҳамкории Шанхай-2025 муаррифӣ гардид
Дар ноҳияи Данғара корхонаи истеҳсоли маҳсулоти саноатӣ сохта мешавад
Имсол дар Бадахшон 45 корхонаву коргоҳҳои саноатӣ ба фаъолият оғоз намуд
Ҳайати Тоҷикистон дар ҷаласаи маҳдуди сатҳи вазирони иқтисоди СҲШ дар Чин иштирок намуд
Иттиҳоди Аврупо дар Тоҷикистон лоиҳаҳои соҳаи энергетикаро амалӣ менамояд
Дар Вазорати рушди иқтисод ва савдои Тоҷикистон татбиқи ташаббуси ҷаҳонии «Global Gateway» баррасӣ гардид
ДАРАИ АЛМОСӢ. Аз ҷониби ҷомеаи ҷаҳонӣ ҳамчун мавзеи беназири таърихии кишоварзӣ этироф гардид
Дараи Алмосии шаҳри Ҳисор расман ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Дар Бонки миллӣ бо ҳайати Дафтари Швейтсария оид ба ҳамкорӣ дар Ҷумҳурии Тоҷикистон вохӯрӣ доир гардид
Дар Хатлон масъалаи таъсиси корхонаи саноатии батареяҳои офтобӣ баррасӣ гардид
Имсол аз Тоҷикистон беш аз 90 ҳазор тонна маҳсулоти кишоварзӣ содирот гардидааст
