«ДОСТОНИ РОҒУН». Таҳти чунин унвон нусхаи аввалини (назоратии) китоби шоир Давлат Сафар аз чоп баромад

ДУШАНБЕ, 14.07.2022 /АМИТ «Ховар»/. «Достони Роғун» — таҳти чунин унвон нусхаи аввалини (назоратии) китоби шоир, барандаи Ҷоизаи адабии ба номи Мирзо Турсунзода Давлат Сафар бо сифати баланд ва пур аз васфи ин иншооти аср дар шеъру тарона чоп гардид, иттилоъ дод ба АМИТ «Ховар» сардори Раёсати таъбу нашри Вазорати фарҳанги мамлакат Раҳмоналӣ Шералӣ.

Ин маҷмӯа аз достон иборат буда, дар он нақши беназири ташаббускор ва бунёдкори ин сохтмони бузурги аср, Пешвои миллат муҳтарам Эмомалӣ Раҳмон ба таври бадеӣ ва бо ҷузъиёти ҷолибу хотирмон мунъакис гаштааст.

Гуфта шуд, ки корзори Неругоҳи барқи обии «Роғун» дар бисёр шеъру таронаҳои шоирон тасвир ёфтааст, вале ин мавзӯъро шоири у ватансаро Давлат Сафар бо рангу ҷилои ранги тоза ба қалами тасвир кашидааст.

Китоб бо сарсухани директори Ҷамъияти саҳомии кушодаи «Роғун» Хайрулло Сафарзода Амиралӣ ба табъ расидааст.

Фирӯза ДАВЛАТЗОДА,
АМИТ «Ховар»

АКС: Вазорати фарҳанги ҶТ