Хадамоти алоқа: «Шумораи истифодабарандагони интернет дар ҷумҳурӣ ба 4,2 миллион нафар расидааст»
ДУШАНБЕ, 13.07.2022. /АМИТ «Ховар»/. Дар шаш моҳи соли 2022 суръати воридшавии интернет ба ҷумҳурӣ ба 100 Гбит/сония баробар аст. Дар ин давра шумораи истифодабарандагони интернет дар якҷоягӣ бо истифодабарандагони интернети мобилӣ ба 4,2 миллион нафар расид, ки ин 42% аҳолии Тоҷикистонро ташкил медиҳад. Дар ин бора имрӯз зимни нишасти матбуотӣ муовини Сардори Хадамоти алоқаи назди Ҳукумати Ҷумҳурии Тоҷикистон Илҳомҷон Атоев ба намояндагони ВАО хабар дод.
«Дар давраи ҳисоботӣ Хадамоти алоқа дар ҳамкорӣ бо ширкатҳои мобилӣ нақшаи корӣ таъсис дод, ки дар асоси он дар шаҳру ноҳияҳои ҷумҳурӣ суръат ва сифати интернет баланд гардонида шуд. Аз ҷумла, аз тарафи ҶДММ Babilon-Mobaile 278 истгоҳҳои базавии замонавии 4G харидорӣ шуд, ки ин имкон дод, то сатҳу сифати интернет дар ҷумҳурӣ беҳтар гардад»,- илова кард Илҳомҷон Атоев.
Ҳамчунин мавсуф иброз дошт, ки ташаккули «ҳукумати электронӣ» дар вазорату идораҳои давлатӣ идома дошта, 50 вазорату идораҳо ба шабакаи мазкур ворид шудаанд. Барои роҳандозии сегменти якум, яъне байни шуъбаҳои умумии вазорату идораҳо ташкил намудани мубодилаи электронӣ тадбирҳои дахлдор андешида мешаванд.
«Барқарорсозии «ҳукумати электронӣ» ба таҳкими асосҳои институтсионалии иқтисоди рақамӣ, рушди инфрасохтори иттилоотиву коммуникатсионӣ дар тамоми қаламрави кишвар, рақамикунонии соҳаҳои иқтисоди миллӣ равона гардидааст», — тазаккур дод ӯ.
Хотиррасон мешавем, ки Консепсияи ташаккули «ҳукумати электронӣ» дар Ҷумҳурии Тоҷикистон бо қарори Ҳукумати ҶТ аз 30 декабри соли 2011 қабул гардид. Тибқи он дар ҷумҳурӣ Регистри ягонаи электронии иттилоотӣ оид ба ҷараёни додани литсензия ва иҷозатномаҳо барои намудҳои алоҳидаи хизматрасонӣ бо номи (суроғаи) ijozat.tj, инчунин ҷиҳати нашри хабару маълумотҳо дар бораи фаъолияти мақомоти давлатӣ ва хизматрасониҳои онҳо портали «ҳукумати электронӣ» бо номи (суроғаи) hukumat.tj/glav/taj таъсис дода шудааст.
Зарангези ЛАТИФ,
АМИТ «Ховар»
АКС: АМИТ «Ховар»
Тоҷикистон ва Хазинаи Авруосиёии субот ва рушд лоиҳаи тавсеаи буҷети барномавиро оғоз менамоянд
Ширкатҳои Ҳиндустон ба истеҳсоли молу маҳсулоти саноатӣ дар Тоҷикистон изҳори ҳавасмандӣ намуданд
Имрӯз дар Бангкок ҷаласаи вазирони Барномаи махсуси СММ барои иқтисодиёти Осиёи Марказӣ доир шуд
Тоҷикистон ва Узбекистон гузариши транзитии мошинҳои боркашро осон менамоянд
Дар корхонаи «Роҳи оҳани Тоҷикистон» 130 вагон аз таъмири асосӣ ва умумӣ бароварда шуд
Дар Тоҷикистон беш аз 1,6 миллион тонна бор ва 95,8 ҳазор мусофир интиқол дода шуд
Дар мулоқоти ҳайати Тоҷикистон бо директори Бонки ҷаҳонӣ оид ба масъалаҳои бахши амалиётӣ маблағгузорӣ ба сохтмони неругоҳи «Роғун» баррасӣ гардид
Дар Тоҷикистон иҷрои нақшаи андозҳо ва дигар пардохтҳои ҳатмӣ ба андозаи 105,9% таъмин гардид
Ҳайати Тоҷикистон дар маҷлиси машваратии давлатҳои электорати ҷаласаҳои баҳории Хазинаи Байналмилалии Асъор ва гурӯҳи Бонки ҷаҳонӣ иштирок намуд
Дар Вашингтон машварати мудирони Хазинаи Байналмилалии Асъор аз давлатҳои Шарқи Наздик ва Осиёи Марказӣ доир гардид
Гумрукчиён дар вилояти Суғд қочоқи 2,7 тонна маводи дорувориро пешгирӣ намуданд
Ҳайати Тоҷикистон бо Президенти Бонки сармоягузории Аврупо ҷалби сармоя барои бунёди иншооти гидроэнергетикиро баррасӣ намуд
