Байни Хадамоти гумруки Тоҷикистон ва Саридораи закот, андоз ва гумруки Арабистони Саудӣ Созишномаи ҳамкорӣ ба имзо расид
ДУШАНБЕ,30.06.2025/АМИТ «Ховар»/. Байни Хадамоти гумруки назди Ҳукумати Ҷумҳурии Тоҷикистон ва Саридораи закот, андоз ва гумруки мамлакати Подшоҳии Арабистони Саудӣ Созишнома оид ба ҳамкорӣ ва ёрии мутақобилаи маъмурӣ дар самти фаъолияти гумрукӣ ба имзо расид. Дар ин хусус АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон иттилоъ медиҳад.
Созишномаи ҳамкорӣ дар ҳошияи иҷлосияи 145/146-уми Шурои Созмони ҷаҳонии гумрук, ки дар Брюссел баргузор гардид, ба имзо расонида шуд. Созишномаро аз ҷониби Ҷумҳурии Тоҷикистон сардори Хадамоти гумруки назди Ҳукумати Ҷумҳурии Тоҷикистон Хуршед Каримзода ва аз ҷониби мамлакати Подшоҳии Арабистони Саудӣ роҳбари Саридораи закот, андоз ва гумрук Суҳайл бин Муҳаммад Абанмӣ ба имзо расониданд.
Ин ҳуҷҷати муҳим оғози марҳилаи нави ҳамкории дуҷонибаро дар соҳаи фаъолияти гумрукӣ ифода менамояд ва заминаи ҳуқуқии устуворро барои густариши муносибатҳои тиҷоратӣ ва иқтисодии Ҷумҳурии Тоҷикистон ва мамлакати Подшоҳии Арабистони Саудӣ фароҳам месозад.
Тибқи муқаррароти созишнома, ҷонибҳо уҳдадор мешаванд, ки ҳамкории самаранокро дар самтҳои мубодилаи иттилооти гумрукӣ, пешгирии қонунвайронкуниҳо, аз ҷумла қочоқ, таҳкими амнияти сарҳадӣ ва содагардонии расмиёти гумрукӣ ба роҳ монанд.
Татбиқи амалии ин санади дуҷониба ба рушди савдои мутақобила, мусоидат ба муҳити мусоиди сармоягузорӣ ва таҳкими робитаҳои иқтисодии байни ду кишвар нақши муҳим хоҳад гузошт.
АКС: Хадамоти гумруки назди Ҳукумати Ҷумҳурии Тоҷикистон
Дар Форуми дуюми байналмилалии сармоягузории Озарбойҷон имконоти сармоягузории Тоҷикистон муаррифӣ карда шуд
Ҷалби сармояи Британияи Кабир ба соҳаҳои афзалиятноки иқтисоди Тоҷикистон баррасӣ гардид
Дар ҷаласаи Шуро оид ба авиатсия ва истифодаи фазои ҳавоӣ рушди ҳамкории байнидавлатӣ дар соҳаи авиатсияи гражданӣ баррасӣ шуд
Дар Урумчӣ масъалаҳои тавсеаи ҳамкории тиҷоратию иқтисодии Тоҷикистон ва Синзян баррасӣ шуданд
Дар Душанбе масъалаҳои идоракунии муосири таваккал дар фаъолияти гумрукӣ баррасӣ шуданд
Масоили табодули таҷриба ва омӯзиши мутахассисони тоҷик дар озмоишгоҳҳои Институти байтории Италия баррасӣ гардид
Байни мақомоти гумруки Тоҷикистон ва Русия Протокол ба имзо расонида шуд
Дар Минск масъалаҳои рушди ҳамкории геологӣ дар доираи ИДМ баррасӣ гардиданд
Дар вилояти Суғд ҳар сол қариб дар 35 ҳазор гектар кишти такрорӣ гузаронида мешавад
Густариши робитаҳои мустақими соҳибкорӣ байни Тоҷикистон ва Эрон баррасӣ гардид
Рушди робитаҳои тиҷоратию сармоягузории бахши хусусӣ байни Тоҷикистон ва Чин баррасӣ карда шуд
Дурнамои ҳамкорӣ байни вазоратҳои молияи Тоҷикистон ва Полша баррасӣ гардид
