Нилуфар Азизова аз Тоҷикистон барандаи финали махсуси озмуни телевизиони «Central Asia’s Got Talent» гардид
ДУШАНБЕ 13.07.2022 /АМИТ «Ховар»/. Нилуфар Азизоваи 15-сола аз Ҷумҳурии Тоҷикистон барандаи финали махсуси озмуни телевизиони «Central Asia’s Got Talent» («Осиёи Марказӣ истеъдодҳоро меҷуяд») гардида, ҷоизаи пулии 1 миллион танга (ҳудуди 2100 доллар)-ро ба даст овард. Дар ин бора АМИТ «Ховар» бо истинод ба сомонаи «Central Asia’s Got Talent» иттилоъ медиҳад.
Дар озмун намояндагони панҷ кишвар – Қазоқистон, Узбекистон, Тоҷикистон, Озарбойҷон ва Қирғизистон ширкат доштанд. Созмондиҳандагони лоиҳа тасмим гирифтанд, ки сюрпризи ғайричашмдошт кунанд ва финали махсус эълон намуданд, ки дар он бояд як ғолиби дигар муайян карда шавад. Барои бисёре аз ширкаткунандагон ин қарори ҳакамон шонси дуюми ғолибият дар озмун буд.
Аз миёни номзадҳо ҷолибтарин намоишномаҳо интихоб шуданд, ки дар миёни онҳо композитсияи «Ман худамро нағз ҳис мекунам»-и Ҷеймс Браун дар иҷрои Нилуфар Азизова буд, ки дар даври ниманиҳоӣ иҷро кардааст.
Гуфта шуд, ки овози зебо, гуногунҷанбаӣ дар иҷро, ошкорбаёнӣ ва самимияти овозхони ҷавони тоҷик дили миллионҳо тамошобинонро тасхир кард ва ӯ бо гирифтани аксари овозҳо барандаи финали вижа гардид.
Нилуфар аз синни 6-солагӣ таҳти роҳбарии Тахмина Рамазонова, сарояндаи гурӯҳи «Авесто», ки ӯро ба ин озмун омода кардааст, овозхонӣ менамояд. Ӯ инчунин мактаби мусиқии фортепиано ва скрипкаро хатм намуда, дар конкурсу консертхои гуногуни мусиқӣ фаъолона иштирок мекунад.
Ӯ барои ширкат дар озмуни «Ситораҳои Тошканд», ки моҳи октябри соли равон баргузор мешавад, дархост пешниҳод намудааст.
Ёдовар мешавем, ки соли 2020 сарояндаи ҷавони Тоҷикистон Чоршанбе Аловатов барандаи Гран-прии озмуни «Central Asia’s Got Talent» шуда буд. Нилуфар Азизова қаблан дар Озмуни ҷумҳуриявии «Тоҷикистон – Ватани азизи ман» иштирок карда, сазовори ҷои дуюм гардида буд.
Фирӯза ДАВЛАТЗОДА,
АМИТ «Ховар»
АКС аз манбаъҳои боз
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
