Раиси вилояти Суғд аз хоҷагиҳои деҳқонии шаҳри Панҷакент боздид намуд

Июль 7, 2022 15:33

СУҒД, 06.07.2022 /АМИТ «Ховар»/. 6 июл Раиси вилояти Суғд Раҷаббой Аҳмадзода зимни сафари корӣ ба шаҳри Панҷакент аз боғҳои хоҷагиҳои деҳқонии мавзеи Дашти Қозӣ дидан ба амал овард, хабар доданд ба АМИТ «Ховар» дар Хадамоти матбуоти Раиси вилояти Суғд.

Бояд гуфт, ки ба ин мавзеъ хатти оби полезӣ кашида шуда, 200 гектар замини санглоху бекорхобида ба гардиши кишоварзӣ бо дастуру ҳидоятҳои Пешвои миллат муҳтарам Эмомалӣ Раҳмон ворид карда шудааст. Бо обёрии мавзеи Дашти Қозӣ тавассути пойгоҳи обкашӣ аз дарёи Зарафшон дар деҳоти Ёрии шаҳри Панҷакент масоҳати боғҳо ва заминҳои кишоварзӣ васеъ гардида, хоҷагидорон ба боғпарварӣ машғул ҳастанд.

Раиси вилоят дар суҳбат бо деҳқонон таъкид намуд, ки бояд ҳар як ваҷаб замин самаранок истифода бурда шавад. Инчунин бо корҳои саҳроӣ дар хоҷагиҳои деҳқонии «Сомониён», «Дашти малла», «Бозори Баён», «Саврак -Ато» шинос шуда, барои истифодаи самараноки замин, гузаронидани кишти такрорӣ, истеҳсоли маҳсулоти кишоварзӣ тавсияҳо дод.

Мавриди зикр аст, ки шаҳри Панҷакент яке аз мавзеъҳои зебоманзари вилояти Суғд ба ҳисоб рафта, деҳқонони асили ин диёр барои баланд бардоштани ҳосилнокии зироатҳои кишоварзӣ ва дар ин замина зиёд намудани ҳаҷми истеҳсоли маҳсулот меҳнати сарҷамъона доранд.


Соли равон кишти зироатҳои кишоварзӣ дар ҳамаи шаклҳои хоҷагидории шаҳр 14929 гектарро ташкил намуда, 2103 гектар кишти шолӣ гузаронида шудааст, ки нисбат ба ҳамин давраи соли гузашта 200 гектар зиёд мебошад.

Мувофиқи маълумоти фаврӣ дар панҷ моҳи соли равон ҳаҷми маҳсулоти кишоварзӣ дар ҳамаи шаклҳои хоҷагидории Панҷакент 64 миллиону 222 сомониро ё 100,7 % -ро ташкил додааст, ки нисбат ба ҳамин давраи соли гузашта 450 ҳазор сомонӣ зиёд мебошад.

Ҳамзамон Раҷаббой Аҳмадзода дар идомаи сафари корӣ аз садди муҳофизатии дарёи Зарафшон дар деҳаҳои Сӯҷина ва Озодагон боздид намуда, бо лоиҳаи соҳилмустаҳкамкунии дарёи Зарафшон низ шинос гардид.

АКС: Хадамоти матбуоти Раиси вилояти Суғд

Июль 7, 2022 15:33

Хабарҳои дигари ин бахш

Дар вилояти Суғд шумораи корхонаҳои истеҳсоли равған меафзояд
Сарвари давлат Эмомалӣ Раҳмон аз вазъи барҳамхӯрӣ ва аз фаъолият мондани корхонаҳои саноатӣ дар вилояти Суғд изҳори нигаронӣ намуданд
Дар Душанбе ҷаласаи 18-уми Кумитаи ҳамоҳангсоз оид ба содагардонии расмиёти савдо баргузор гардид
Барои ифротӣ нагаштани ҷавонон таваҷҷуҳи онҳоро ба илму дониш ва касбу ҳунаромӯзӣ бояд ҷалб намуд
Масъулини вилояти Суғд баҳри ҳалли мушкилоти пойгоҳҳои обкашӣ ва норасоии обёрии замин вазифадор гардиданд
Лоиҳаи «Ташхиси сохтори бозори пул дар Ҷумҳурии Тоҷикистон» баррасӣ гардид
ДАРАХТ БИНШОН! Дар Мастчоҳ беш аз 4000 бех ниҳоли ороишиву ҳамешасабз ва мевадиҳанда шинонида мешавад
Дар оянда байни Душанбе ва Сеул роҳи ҳавоӣ кушода мешавад
8 АПРЕЛ-РӮЗИ ИҚТИСОДЧИЁН. Созмонҳои бонуфузи байналмилалии молиявӣ Тоҷикистонро давлати дорои суръати баланди рушди иқтисодӣ арзёбӣ намудаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
Корхонаи давлатии фаръии «Обтаъминкунӣ» дар ноҳияи Ҳамадонӣ ба беш аз 4 ҳазор хоҷагӣ хизмат мерасонад
ДАРАХТ БИНШОН! Дар ноҳияи Лахш 1200 бех ниҳоли мевадиҳанда ва ҳамешасабзу ороишӣ шинонида шуд