То охири соли 2024 сатҳи фарогирӣ ба пахши рақамии барномаҳои телевизион ва радиои Тоҷикистон ба 100 фоиз расонида мешавад
ДУШАНБЕ, 29.07.2022. /АМИТ «Ховар»/. Кумитаи телевизион ва радиои назди Ҳукумати Ҷумҳурии Тоҷикистон дар айни замон ду барномаи давлатии соҳавӣ, аз ҷумла «Барномаи рушди пахши телевизиони рақамӣ барои солҳои 2020-2024» ва «Барномаи давлатии рушди телевизион ва радио дар Ҷумҳурии Тоҷикистон барои солҳои 2021-2025»-ро татбиқ менамояд. Дар шаш моҳи соли 2022 тибқи нақша, вазифаҳои пешбинишуда ба таври қаноатбахш иҷро гардиданд, иттилоъ дода шуд зимни нишасти матбуотии Кумитаи телевизион ва радио.
Тавре Раиси Кумита Нуриддин Саид ба хабарнигорон иброз дошт, баъди иҷрои марҳилаи дуюми «Барномаи рушди пахши телевизиони рақамӣ барои солҳои 2020-2024» сатҳи фарогирӣ ба пахши рақамӣ дар мамлакат ба 78,7 фоиз ва то анҷоми пурраи барнома ба 100 фоиз расонида мешавад.
Дар айни замон сатҳи фарогирӣ дар пахши аналогӣ дар «Телевизиони Тоҷикистон» 99,72 фоиз, «Телевизиони Сафина» — 92,70 фоиз, «Баҳористон» — 89,01 фоиз ва «Ҷаҳоннамо»- 78,96 фоизро ташкил мекунад. Фарогирии аҳолӣ бо барномаҳои давлатии радио дар мавҷи FМ «Радиои Тоҷикистон» 88,60 фоиз, «Овози тоҷик» — 57,90 фоиз, «Садои Душанбе» — 65,80 фоиз ва «Фарҳанг»- 59,87 фоиз мебошад. То охири сол дар доираи татбиқи марҳилаи дуюми «Барномаи давлатии рушди пахши телевизиони анологӣ дар мамлакат барои солҳои 2020-2024» ҳаҷми фарогирӣ ба 80 фоиз расонида хоҳад шуд.
Дар шаш моҳи соли равон аз ҷониби Шӯрои бадеии Кумита беш аз 67 барномаи калонҳаҷми телевизионию радиоӣ, филмҳои мустанад, роликҳои иҷтимоию тарғиботӣ, инчунин 46 ролику лавҳа ва зиёда аз 40 оҳангу суруди нав, ки аз ҷониби ҳайатҳои эҷодию техникии шабакаҳои телевизиону радио ва дастаҳои ҳунарии Кумита бахшида ба ҷашнҳои милливу давлатӣ омода ва пешниҳод гардида буданд, баррасӣ, таҳрир ва такмил гардиданд.
Зарангези ЛАТИФ,
АМИТ «Ховар»
АКС: АМИТ «Ховар»
Дар Академияи миллии илмҳои Тоҷикистон бо ҳайати намояндагони Академияи илмҳои Чин вохӯрӣ доир шуд
Дар Тоҷикистон барномаи омӯзишии Мактаби театрии Александрин мегузарад
ТАРБИЯИ ВАТАНДӮСТИИ ШАҲРВАНДОН. Дар шаҳри Ҳисор озмунҳои «Тоҷикистони ман!» ва «Шоҳнома Ватан аст!» доир мегарданд
Байни Тоҷикистон ва Италия Барномаи ҳамкории фарҳангӣ, илмӣ ва технологӣ барои солҳои 2024-2027 ба имзо расид
Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
САДРИДДИН АЙНӢ-БУНЁДГУЗОРИ АДАБИЁТИ НАВИНИ ТОҶИК. Дар Академияи миллии илмҳои Тоҷикистон конференсияи илмӣ-адабӣ гузаронида шуд
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
Роҳбарзанони Узбекистон бо табиати зебои шаҳри Норак шинос шуданд
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
