Ӯ 94 СОЛ ДОШТ. Собиқ президенти Филиппин Фидел Валдес Рамос аз олам даргузашт

Август 1, 2022 11:07

ДУШАНБЕ, 01.08.2022 /АМИТ «Ховар»/. Собиқ президенти Филиппин Фидел Валдес Рамос дар 94-солагӣ даргузашт. Дар ин бора рӯзи якшанбе, 31 июл сардори раёсати робита бо ҷомеаи назди сарвари давлат Трикси Крус-Анхелес хабар дод, иттилоъ медиҳад АМИТ «Ховар» бо истинод ба ТАСС.

«Мо бо андӯҳи амиқ аз марги собиқ президент Фидел В.Рамос хабардор мешавем, — навиштааст Крус-Анхелес дар саҳифаи фейсбукии худ. – Ӯ пас аз марги худ мероси рахшоне боқӣ монда, ба туфайли иштироки худ дар дигаргуниҳои бузурги кишварамон ҳам ба сифати низомӣ ва ҳам ба ҳайси роҳбари давлат мавқеи устуворро соҳиб гардид».

«Мо ҳамдардии амиқи хешро ба аҳли оила, пайвандон, ҳамсинфон ва ҳамфикронаш иброз медорем»,-илова намуд Крус-Анхелес.

Фидел В.Рамос аз соли 1992 то 1998 президенти 12-уми Филиппин буд. Маъмурияти ӯ тавассути барномаи «Филиппинҳо-2000», ки ҳадафаш то соли 2000 саноатикунонии кишвар буд, шуҳрат пайдо карда буд. Ин ташаббусро аксар вақт ҳамчун воситаи аз нав рушддиҳандаи иқтисодиёти кишвар унвон мекунанд.

Аз соли 1972 то 1986 ӯ сардори полиси Филиппин дар назди собиқ президент Фердинанде Маркоси калонӣ буд. Баъдан ӯ дар вазифаи муовини сардори ситоди қувваҳои мусаллаҳи кишвар кор кардааст.

Дар давраи президентии Акино Рамос чанд кӯшиши табаддулотро ҳамчун сардори ситоди Қувваҳои Мусаллаҳи Филиппин (1986-1988) ва вазири мудофиаи миллӣ (1988-1991) пешгирӣ намуд. Вай ҳамчунин дар ташвиқи президент Родриго Дутерте барои бори дуюм ширкат намудан дар интихоботи соли 2016 нақши муҳим дошт. Дар ҳамон сол ӯ фиристодаи махсуси Филиппин дар Чин таъйин шуд, аммо пас аз чанд моҳ аз мақомаш истеъфо дод.

Қаблан иттилоъ дода шуда буд, ки президенти собиқи Мексика Луис Эчеверриа Алварес дар синни 100 даргузашт.

АКС: Gettyimages.ru

Август 1, 2022 11:07

Хабарҳои дигари ин бахш

Аврупо ва Амрико дар барқарорсозии соҳаи сайёҳӣ пешсафанд
Ҳамарӯза дар ИМА то 400 нафар бар асари коронавирус мефавтанд
Дар Қазоқистон шабонарӯзи гузашта 2661 нафар ба коронавирус гирифтор шудаанд
Шветсия аз 1 сентябр ҳаракати велосипедҳои барқиро дар роҳҳои пиёдагард манъ мекунад
Зиёда аз 300 шаҳрванди хориҷиро аз Қазоқистон ихроҷ намуданд
Теъдоди қурбониёни селу обхезӣ дар Покистон ба 312 нафар расид
Дар Кувайт сарвазири нав таъйин намуданд
ДРАУПАДИ МУРМУ ПРЕЗИДЕНТИ НАВИ ҲИНДУСТОН ИНТИХОБ ГАРДИД. Вай 18 июл дар интихоботи президентӣ бештари овозҳоро ба даст овард
Дар мубориза барои курсии сарвазири Британия ду номзад боқӣ мондаанд
Дар Ҳиндустон интихоботи президентӣ оғоз гардид
Номзадҳо ба мақоми президенти Шри-Ланка 19 июл муаррифӣ мешаванд
ЭҲТИЁТ ШАВЕД! ДАР АФҒОНИСТОН ВАБО АВҶ МЕГИРАД. Дар як шабонарўз дар ду вилоят наздик ба 40 нафар фавтиданд

Маводҳои таҳлилӣ