БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Ваҳдат 808 иншооти гуногун бунёд мегарданд

Август 6, 2022 09:37

ВАҲДАТ, 06.08.2022 /АМИТ «Ховар»/. Мақомоти иҷроияи ҳокимияти давлатии шаҳри Ваҳдат барои дар сатҳи баланд пешвоз гирифтани ҷашни 35-солагии Истиқлолияти давлатии Ҷумҳурии Тоҷикистон сохтмони 808 иншооти гуногунро ба нақша гирифтааст, ки аз ин шумора 92 адад корхонаҳои саноатӣ, 119 адад синфхонаҳои иловагию муассисаҳои таълимӣ ва 419 адади дигар марказҳои хизматрасонӣ мебошанд. Дар ин бора масъулини Мақомоти иҷроияи ҳокимияти давлатии шаҳри Ваҳдат ба хабарнигори минтақавии АМИТ «Ховар» иттилоъ доданд.

Ба ифтихори ҷашни 31-солагии Истиқлолияти давлатӣ 4 адад бунгоҳи тиббӣ, муассисаи таълимии №3, биноҳҳои баландошёнаи истиқоматӣ, бинои Ҳизби Халқии Демократии Тоҷикистон дар шаҳри Ваҳдат ва бинои Хадамоти давлатии оташнишонӣ мавриди баҳрабардорӣ қарор дода мешаванд.

Мувофиқи нақшаи генералӣ, дар маркази шаҳри Ваҳдат барои бунёди биноҳои баландошёнаи истиқоматӣ зиёда аз 60 адад қарорҳои раиси шаҳр ба тасвиб расидаанд, ки дар айни замон корҳои сохтмонӣ дар зиёда аз 20 иншооти баландошёна оғоз гардида, муташаккилона идома доранд.

Сокинони шаҳри Ваҳдат бо ҳисси баланди ватандӯстӣ баҳри ободу зебо гардонидани шаҳр саъю кӯшиш доранд.

То ҷашни 35-солагии Истиқлолияти давлатӣ дар шаҳр иншооти боқимондаи ҷашнӣ, аз қабили навсозии пулу роҳҳо, бунгоҳҳои тиббӣ, майдончаҳои варзишӣ, коргоҳу корхонаҳои истеҳсолӣ, синфхонаҳои иловагию муассисаҳои таълимӣ ва марказҳои хизматрасонӣ пурра бунёд шуда, дар сатҳи олӣ ба истифода дода мешаванд.

Субҳониддини МАҲМУД,
АМИТ «Ховар»

АКС: АМИТ «Ховар»

Август 6, 2022 09:37

Хабарҳои дигари ин бахш

Дар шаҳри Хоруғ корхонаи истеҳсоли ҳасиб бунёд мегардад
35-СОЛАГИИ ИСТИҚЛОЛИ ДАВЛАТӢ. Имсол дар ноҳияи Шамсиддини Шоҳин 41 иншоот ба истифода дода мешавад
Дар шаҳри Ҳисор бо иштироки муовини Сарвазири Тоҷикистон иншооти гуногуни ҷашнӣ ба истифода дода шуд
Бахшида ба 35-солагии Истиқлоли давлатӣ дар Кушониён синфхонаҳои иловагӣ ба истифода дода шуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
Дар ноҳияи Шаҳринав бинои нави шуъбаи рентгенӣ ба истифода дода шуд
Бахшида ба ҷашни Наврӯз дар ноҳияи Рӯдакӣ ду бунгоҳи тиббӣ ба истифода дода шуд
Дар шаҳри Турсунзода бахшида ба Ҷашни байналмилалии Наврӯз як қатор иншоот мавриди истифода қарор гирифт
Дар Агентии амнияти химиявӣ, биологӣ, ядроӣ ва радиатсионӣ майдончаи варзишӣ ифтитоҳ гардид
Дар шаҳри Турсунзода майдончаи варзишӣ ва Маркази саломатии деҳоти «Чинор» ифтитоҳ гардид
Сарвари давлат Эмомалӣ Раҳмон бо фаъолияти Ҷамъияти дорои масъулияти маҳдуди «Иттиҳодияи Истеҳсолии Нассоҷии Тоҷик» шинос шуданд
Президенти мамлакат Эмомалӣ Раҳмон ба сохтмони бинои маъмурии Вазорати маориф ва илми Ҷумҳурии Тоҷикистон санги асос гузоштанд