Блогнависи 19-солаи тоҷик ҳамроҳи Салмон Хон дар филми Болливуд нақш меофарад

Август 5, 2022 10:18

ДУШАНБЕ, 05.08.2022 /АМИТ «Ховар»/. Овозхон ва блогнависи тоҷик Абдурозиқ барои нақшофарӣ дар филми Болливуд даъват шудааст. Абдурозиқ бо Салмон Хон дар филми Фарҳоди Самҷӣ «Кабҳи Иди Кабҳи Дивали» нақш мебозад, ки эҳтимол «Бҳайҷаан» (Бародар) номида шавад, хабар медиҳад «Ховар» бо истинод ба рӯзномаи Daily Pakistan.

«Кабҳи Ид Кабҳи Дивали» ҳамчун «Баъзан ид, гоҳе Дивалӣ» тарҷума шудааст. «Ҷашни чароғҳо» як филми дарпешистодаи мазҳакавии ҳиндист, ки коргардони он Фарҳод Самҷӣ мебошад. Филмро Salman Khan Films ва Nadiadwala Grandvert Entertainment истеҳсол мекунанд. Дар он худи Салмон Хон, инчунин Пужа Ҳегде, Венкатеш, Ҷагапати Бабу нақш мебозанд.

Банаворгирии асосӣ моҳи майи соли 2022 дар Мумбай оғоз шуда, дар Ҳайдаробод низ ба навор гирифта мешавад. Намоиши филм 30 декабри соли 2022 ба нақша гирифта шудааст.

Ба навиштаи як рӯзномаи покистонӣ, Абдурозиқ дар бораи эҳсосоти худ нақл карда, гуфтааст, ки ҳеҷ гоҳ тасаввур намекард, ки ҳамроҳи Салмон Хон дар як филм нақш меофарад.

«Ман хеле хушбахт ва дар ҳаяҷонам ва ҳеҷ гоҳ дар орзуҳои ҷасуронаам ҳам тасаввур намекардам, ки рӯзе бо як ситораи бузурге, ба мисли Салмон Хон дар филм нақш меофарам. Саъю кӯшиш хоҳам кард, то исбот кунам, ки онҳо маро беҳуда интихоб накардаанд», — гуфт ӯ.

Ба навиштаи як нашрияи покистонӣ, наворбардории филм дар хоҷагии Салмон дар ҳошияи Мумбай моҳи июн оғоз шудааст.

Абдурозиқ қаблан дар паҳлӯи Салмон Хон аксбардорӣ карда, инчунин суруди машҳури ҳиндиро аз филми блокбастери соли 1989 месароид, нақше, ки Салмон Хонро якбора ситора намуд.

Ёдовар мешавем, ки блогер ва навозандаи тоҷик Абдурозиқ моҳи августи соли гузашта ба Имороти Муттаҳидаи Араб барои 10 сол раводиди тиллоӣ гирифта буд.

Тамоми ҷомеаи интернетии Русия тӯли як моҳи охир дар бораи блогер-сарояндаи тоҷик Абдурозиқ ҳарф мезананд, вале аз ҷузъиёти зиндагиномаи ӯ кам касе огоҳ аст.

Ӯ дар Instagram саҳифа дорад. Суруди Абдурозиқ «Оҳи дили зор» (2019) дар YouTube беш аз 4,5 миллион тамошобин пайдо кардааст. Абдурозиқ соли 2003 таваллуд шуда, ҳоло 19-сола аст. Зодаи Ғишдарваи ноҳияи Панҷакенти вилояти Суғд аст.

Вай аллакай интернетро забт карда, бо блогерҳо ва варзишгарони машҳури ҷаҳон шинос гардидааст.

Абдурозиқ на танҳо бо намуди зоҳирии ғайриодӣ ва ҷаззобияти кӯдакона, балки, пеш аз ҳама, бо истеъдоди фитрии мусиқӣ ва нашри як навор бо ӯ дар ватанаш маъруф шуд.

Бо зиёда аз 3,5 миллион пайрав дар Instagram-аш ва миллионҳо тамошобин дар видеоҳои YouTube ӯ ҳоло узви комилҳуқуқи ҷаҳони шоу-бизнес мебошад.

Абдурозиқ дорои шунавоӣ ва овози аъло буда, аз соли 2019 ба сабти таронаҳо машғул аст ва дар чорабиниҳо баромад мекунад. Вай ба блогнависӣ таваҷҷуҳ пайдо кард ва ҳоло дар ин соҳа пешравиҳои бештар дорад ва бидуни муболиға, метавон гуфт, ки ӯ ба мартабаи баланд мерасад.

Абдурозиқ орзуҳои зиёд дорад. Яке аз онҳо дар зодгоҳаш Панҷакент барои сайёҳон кушодани меҳмонхона аст, аммо ҳоло ба бунёди манзили шахсии худ ва тарабхонаи хурде шурӯъ кардааст. Абдурозиқ ҳоло саробони ҳақиқии хешу табораш буда, онҳоро пурра таъмин мекунад.

Бо таваҷҷуҳ ба суръате, ки Абдурозиқ маҳбубият пайдо мекунад, орзуи ӯ имконияти амалӣ шудан дорад ва худи ӯ бо назардошти пешрафтҳояш як тоҷики маъруфе хоҳад шуд, ки мамлакаташро дар хориҷа шуҳратманд менамояд.

АКС аз манбаъҳои боз

Август 5, 2022 10:18

Хабарҳои дигари ин бахш

«Пайравони Камолиддини Беҳзод. Миниатюраи тоҷик». Таҳти чунин унвон дар Осорхонаи миллии Тоҷикистон намоиш ифтитоҳ гардид
«Эҳёи ҳофизаи таърих. Аз ҷонбозиҳои устод Айниву аллома Ғафуров то шоҳкориҳои Пешвои миллат», — шарҳи матбуоти даврии Тоҷикистон
«БОМИ ҶАҲОН». Дар Хоруғ Фестивали 15-уми байналмилалии фарҳангӣ ва сайёҳӣ доир мегардад
«МАН БА САФАР МЕБАРОЯМ!». Манижа Сангин дар Душанбе консерти калон барпо мекунад
ДАРГУЗАШТИ ШОИРИ ШАҲИР ҲУШАНГ СОЯ. Абдулҳамид Самад ӯро аз намояндагони насли шоирони номвари дунёи форсизабон хонд
Дар Узбекистон барои ташкили шабакаи иҷтимоии миллӣ озмун эълон гардид
«ТОҶИКИСТОН-ВАТАНИ АЗИЗИ МАН». 57 нафар довталабон аз Суғд дар даври ниҳоии озмуни ҷумҳуриявӣ иштирок мекунанд
«ТОҶИКИСТОН — ВАТАНИ АЗИЗИ МАН». Дар шаҳри Хоруғ даври вилоятии озмун оғоз ёфт
Дар Самарқанд Симпозиуми байналмилалии ҳайкалтарошӣ бо иштироки ҳунармандони кишварҳои узви Созмони ҳамкории Шанхай оғоз ёфт
Дар ноҳияи Данғара намоиши сайёри «Тоҷикистон–кишвари дарёҳои тиллоӣ» ифтитоҳ гардид
Дар Малайзия ҷомаи нодири таърихии Суғд, ки таърихи 1311-сола дорад, нигоҳдорӣ мешавад
Дар рӯзҳои таҷлили 31-солагии Истиқлолияти давлатӣ барномаҳои фарҳангӣ-фароғатии сиркӣ пешниҳод мегарданд

Маводҳои таҳлилӣ