Дар Қазоқистон шабонарӯзи гузашта 2661 нафар ба коронавирус гирифтор шудаанд

Август 3, 2022 11:17

ДУШАНБЕ, 03.08.2022 /АМИТ «Ховар»/. Шабонарӯзи гузашта 2661 ҳолати нави сироятёбӣ аз коронавирус ба қайд гирифта шудааст. Аз ин беморӣ 2290 нафар шифо ёфтаанд. Дар ин бора АБИ «Казинформ» бо истинод ба Комиссияи байниидоравӣ оид ба пешгирии паҳншавии COVID-19 хабар медиҳад.

Ба ҳолати 3 август 27 747 нафар муолиҷа аз ИКС (идоракунии клиникии сироят)-ро идома медиҳанд (27498 ИКС+ ва 249 ИКС-), ки аз ин шумора 1505 нафар беморон дар беморхонаҳо ва 26 242 нафар ба таври амбулаторӣ табобат мегиранд.

Аз мубталоён бо ИКС+ ва ИКС- 32 бемор дар ҳолати вазнин, 8 бемор дар ҳолати шадид ва 3 нафар таҳти дастгоҳи нафасдиҳии сунъӣ қарор доранд.

Аз оғози пандемия дар кишвар 1 357 276 ҳолати сироятёбӣ ба коронавирус тасдиқ шудааст. Дар маҷмӯъ, дар кишвар 1 316 110 нафар аз COVID-19 шифо ёфтаанд.

Вазири тандурустӣ Ажар Гиният дирӯз ба сокинони пойтахт ва субъектҳои соҳибкорӣ бо дархости риояи чораҳои пешгирикунанда бинобар афзоиши шумораи гирифторони коронавирус дар шаҳр муроҷиат намуд.

«Дар Нур-Султон, ки дар минтақаи «зард» ҷойгир аст, чорабиниҳои оммавӣ бо иштироки шумораи зиёди одамон дар биноҳои пӯшида баргузор мешаванд, дар баробари ин тавсияҳо оид ба пӯшидани ниқобҳо ва масофаи иҷтимоӣ риоя намешаванд»,-изҳор дошт Ажар Гиният зимни ҷаласаи Ҳукумат.

«Барои ба эътидол овардани вазъи эпидемиологӣ ва мутаносибан фаъолияти субъектҳои соҳибкорӣ бидуни маҳдудият, бори дигар ба субъектҳои хоҷагидор муроҷиат намуда, хоҳиш менамоям, ки дар объектҳо ҳолати санитарию беҳдоштиро риоя намоянд ва бехатарии аҳолиро ҳангоми гирифтани хизматрасониҳо таъмин созанд»,- изҳор намуд Вазир.

Қаблан хабар дода шуд, ки афзоиши бештари гирифторӣ ба коронавирус дар шаш вилояти Қазоқистон ба мушоҳида мерасад. Ҳамчунин тадбирҳои маҳдудкунанда барои минтақаи «сурх» низ ном бурда шуданд — дар сурати ворид шудан ба он тадбирҳои маҳдудкунанда дар ду марҳила андешида мешаванд.

АКС: Reuters

Август 3, 2022 11:17

Хабарҳои дигари ин бахш

Аврупо ва Амрико дар барқарорсозии соҳаи сайёҳӣ пешсафанд
Ҳамарӯза дар ИМА то 400 нафар бар асари коронавирус мефавтанд
Шумораи мубталоёни COVID-19 дар ҷаҳон аз 592 миллион нафар гузашт
ВИРУСОЛОГҲО ДАР БОРАИ ИМКОНИЯТ ВА МУҲЛАТИ МАВҶИ НАВИ COVID-19 ДАР РУСИЯ. Вазири тандурустии Тоҷикистон мавҷуд будан ё набудани омилҳои воридшавии коронавирусро ба кишвари мо шарҳ дод
COVID-19. Ба Тоҷикистон беш аз 2 миллион воя ваксинаи «КоронаВак» ворид гардид
Ӯ 94 СОЛ ДОШТ. Собиқ президенти Филиппин Фидел Валдес Рамос аз олам даргузашт
Шветсия аз 1 сентябр ҳаракати велосипедҳои барқиро дар роҳҳои пиёдагард манъ мекунад
Олимони тоҷик алайҳи коронавирус даво ихтироъ кардаанд
COVID-19. Ҷопон аз рӯи афзоиши шабонарӯзии сироятҳо дар ҷаҳон ба ҷойи аввал баромад
Дар Фурудгоҳи байналмилалии Душанбе Ситоди доимоамалкунада оид ба назорати саломатии мусофирон таъсис дода шудаст
Зиёда аз 300 шаҳрванди хориҷиро аз Қазоқистон ихроҷ намуданд
Ба Тоҷикистон 195 ҳазору 390 воя ваксинаи «Pfizer» ворид карда шуд

Маводҳои таҳлилӣ