ГУБЕРНАТОР АЗ СИБИР БА ТОҶИКИСТОН МЕОЯД. Вилояти Хатлони мо ва вилояти Омски Русия созишномаи ҳамкорӣ омода мекунанд
ДУШАНБЕ, 10.08.2022 /АМИТ «Ховар»/. Вилояти Хатлони Тоҷикистон ва вилояти Омски Русия нақша доранд дар ҷараёни сафари ҳайати Русия созишномаи ҳамкорӣ ба имзо расонанд. Дар ин бора рӯзи сешанбе, 9 август зимни мулоқоти Консули генералии Тоҷикистон дар Новосибирск Ятим Давлатхоҷа бо муовини нахуствазири вилояти Русия Дмитрий Ушаков хабар дода шуд, иттилоъ медиҳад хабарнигори АМИТ «Ховар» бо истинод ба агентии иттилоотии Омскрегион.
«Зимни мулоқот диққати ҳамаҷониба ба масъалаи ташрифи намояндагии вилояти Омск таҳти роҳбарии губернатори минтақа ба Ҷумҳурии Тоҷикистон ва ба имзо расонидани созишномаи ҳамкорӣ бо вилояти Хатлон равона карда шуд»,-гуфта мешавад дар иттиллоия.
«Мо шодем, ки шуморо дар арафаи таҷлили Рӯзи шаҳри Омск қабул менамоем. Имсол мо ҳамчунин 200-солагии таъсиси вилояти Омскро таҷлил мекунем. Тоҷикистон яке аз шарикони тиҷорати хориҷии минтақаи мо ба шумор меравад. Ҳаҷми тиҷорати мутақобила соли гузашта 3,5 миллион долларро ташкил дод. Мо мебинем, ки зиёд кардани ҳаҷми муомилоти моли байниҳамдигарӣ имконпазир аст ва инчунин иқтидоре, ки мавҷуд аст, ба кор андохта мешавад»,-зикр намуд зимни вохӯрӣ Дмитрий Ушаков.
Миёни корхонаҳои саноати хӯроквории вилояти Омск ва Тоҷикистон муносибот роҳандозӣ шудаанд. Корхонаи Омск аллакай ба Тоҷикистон маҳсулоти қаннодӣ, нӯшокиҳо, равғани маъсар ворид мекунад.
«Мо ҳавасманди робитаҳои доимӣ ҷиҳати ба Тоҷикистон интиқол додани маҳсулоти ширӣ ва гӯштӣ, орд, ярма, маҳсулоти макаронӣ ҳастем. Вилояти Омск ба гурӯҳи пешқадамони Сибир аз ҷиҳати ғаллакорӣ дохил мешавад. Мо ҳамасола беш аз 3 млн тонна ғалла ҷамъоварӣ мекунем, ки аз ин 1,5 млн тоннаи онро берун аз минтақа интиқол медиҳем. Мо метавонем деҳқонони шуморо бо тухмии зироати ғалладона, лӯбиёгӣ ва маъсар таъмин карда, кори муштараки селексионӣ гузаронем»,-иброз дошт Дмитрий Ушаков.
Консули генералӣ Ятим Давлатхоҷа иброз намуд, ки дар шароити кунунӣ муносибатҳои ду кишварро густариш додан хеле муҳим аст. Ба гуфтаи ӯ, Ҳукумати Тоҷикистон бо вилояти Омск ба ҳамкорӣ дар бахшҳои маориф, кишоварзӣ, тандурустӣ ва тиҷорати мутақобила ҳавасманд аст.
«Фикр мекунам, ки бо кӯшиши якҷоя мо ба натиҷаҳои дилхоҳ ба манфиати кишвар ва мардумамон мерасем»,-изҳор дошт Ятим Давлатхоҷа.
Дар соли равон аз Тоҷикистон губернатори вилояти Омск Александр Бурков дидан мекунад. Дар ҷараёни боздид ба имзо расонидани созишномаи ҳамкорӣ бо вилояти Хатлон дар назар аст.
АКС: Евгений Кармаев
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
